Video
Read full review
2023-09-14
449 views
情侶之間最需要就係儀式感(⁎⁍̴̛ᴗ⁍̴̛⁎) 我同條佬每逢拍拖紀念日都會食餐好嘅慶祝❣️ 今年就去元朗呢間私房菜店「Granada by JW」食casual fine dining，餐廳係採取預約制，一定要提前預約！Granada by JW門面相當隱秘，一推門內進就好似走進法式小酒館| ᐕ)⁾⁾ 主廚Jo Wong 同佢助手都隨即迎接我哋～ 餐廳內有五張枱，裝修經典舒適，氣氛休閒有情調，可以無需拘謹放鬆食晚飯😚呢次食佢嘅Autumn Tasting Menu🍂 由Chef Jo演譯帶有法日元素嘅歐陸菜，Tasting Menu有6個course包埋跟餐飲品，人均消費$1088 (另加一)👫🏻 如果想飲酒就可以叫Wine Pairing，3 glasses $418 per one🍷♥ 法國青口.蕃茄青口慕絲.三文魚籽面頭放上煙三文魚籽，青口肉細，鮮而不韌，海水味重🌊 底層係以蕃茄及青口製成嘅慕絲，質感柔滑輕盈，帶出清甜味道🍅 加埋昆布泡沫，鮮上加鮮，層次豐富！♥ 燉南非大鮑魚.鮑肝汁呢道係冷盤，擺盤好有美感✨ 鮑魚用雞湯、昆布、清酒等材料去燉，鮮香彈牙，鮮嫩入味，搭配鮑肝汁鮮味大大提升！
呢次食佢嘅Autumn Tasting Menu🍂 由Chef Jo演譯帶有法日元素嘅歐陸菜，Tasting Menu有6個course包埋跟餐飲品，人均消費$1088 (另加一)👫🏻 如果想飲酒就可以叫Wine Pairing，3 glasses $418 per one🍷
♥ 法國青口.蕃茄青口慕絲.三文魚籽面頭放上煙三文魚籽，青口肉細，鮮而不韌，海水味重🌊 底層係以蕃茄及青口製成嘅慕絲，質感柔滑輕盈，帶出清甜味道🍅 加埋昆布泡沫，鮮上加鮮，層次豐富！
♥ 燉南非大鮑魚.鮑肝汁呢道係冷盤，擺盤好有美感✨ 鮑魚用雞湯、昆布、清酒等材料去燉，鮮香彈牙，鮮嫩入味，搭配鮑肝汁鮮味大大提升！另外仲加咗濃縮鮑魚汁同芝士泡沫，唔會太搶味🧀
♥ 龍蝦.煙燻薯芝士蓉.龍蝦汁法國菜中嘅常客必定有龍蝦，選用美國緬因州龍蝦，鮮甜飽滿，肉質彈牙爽口🦞 伴以煙燻薯芝士蓉，濃濃芝士味，配龍蝦簡直係絕配啦～ 撒上烤過嘅烏魚子及佐以鮮甜龍蝦湯，味道鮮美，餘韻無窮！
♥ 櫻花蝦.紫蘇.墨魚柳靈感來自於江南百花雞，著名粵菜菜餚之一👲 將紫蘇葉、櫻花蝦、墨魚柳打成膠，蒸完再釀入薄薄嘅雞皮再炸到香脆，望落似雞但其實唔係雞，絕對係考手工嘅心機菜🤫 口感紮實，配上海膽汁吊出鮮味！
♥ 酸種麵包.黄椒鹽麴牛油酸種麵包同牛油都係自家製，黄椒鹽麴牛油好創新，喺其他餐廳未曾食過，融入咗日本元素🇯🇵 麵包新鮮焗起，牛油一搽上去即刻融化，麵包外脆內鬆軟，唔錯～
♥ 燒法國走地黄雞(乾式熟成)雞皮燒到焦香，肉香四溢！乾式熟成手法令雞肉變得特別嫩滑，更香濃，同時保留肉汁以及彈牙口感😙 油脂亦較少，唔會膩！配羊肚菌作醬汁，獨特味道令呢道菜生色不少🤭
♥ 烤紐西蘭和羊架 (+$100)紐西蘭和羊架係羊肉中嘅和牛，羊肉相當粉嫩，味道濃郁，肉質非常之軟腍多汁，唔乾柴亦唔羶，烤得恰到好處，羊肉微微焦脆，有驚喜！
♥ 鳳梨椰香白朱古力慕絲 (+$68)菠蘿+椰奶+白朱古力嘅組合拼湊出清新酸甜嘅味道，有啲似乳酪嘅酸甜味，甜度亦唔高！撻底係鬆脆嘅酥皮撻😛 加入檸檬散發清香🍋
♥ 跟餐飲品叫咗紅莓花茶同熱情果汁，前者係Ridgways品牌，果香都幾濃，酸酸甜甜；後者味道好濃縮，甜中帶清爽～
💬 總結
主廚除咗會詳細介紹菜式，仲會主動同客人傾偈交流🙊 食物賣相精緻又新鮮，更感受到主廚對食物嘅熱誠👍🏻 有興趣嘅話要提早訂位啦！
Post
