校長燒肉日韓料理 (Moved) New Location

呢日同朋友一行四人嚟食燒肉放題，原來除左燒肉之外，仲有唔少前菜同熟食，甚至有刺身、長腳蟹同生蠔！帶子好鮮甜，其他都唔錯，起碼夠新鮮！加錢會有長腳蟹同生蠔，生蠔非常大隻，肥美到不得了，味道又唔腥，正！外面都有唔同種類既前菜同壽司！外面亦有熟食可以自取，帶子焗薯蓉好香好惹味，系我既最愛！燒物既選擇都唔少，除左肉類，仲有蔬菜類同海鮮類，一應俱全！火力可以自己調較，冇咁易燒燶野！燒物大多味道都唔錯，醃得好入味！甜品方面最推介呢度既雪糕球，豆腐味香濃，好味！飲品種類多，連我鍾意既解茶都有！總括而言，呢度食物種類多，坐得舒適，系元朗區燒肉放題既好選擇！