千賀水產 (Closed)

有好一段日子未來過元朗了，今日特別應朋友邀請來到元朗大馬路附近一邊傾計一邊食個日式任食磯燒放題。佢係一個價錢包任食自助吧，包不同嘅飲品，包各項日式食物包括刺身壽司等等，最重要仲包埋磯燒任食添，頗為化算。磯燒類方面佢首先會來個海鮮拼盤比大家燒，有元貝，青口，大蝦同蜆等等，款款鮮甜味美，跳出來仲好香添好似去左燒野食咁。食晒嘅話仲可以叫其他嘅配料的。刺身壽司類方面佢同其他日式任食店一樣，有各種唔同類型嘅刺身，三文魚，帶子，鮑片，蚌片等等，因為有太多種野食啦。雖然每一樣只係叫左少少，款款即叫即做，很不錯。另外仲叫咗壽司來試下都唔差的。小食類方面推介日式碗仔翅，熱辣辣又入味。另外推介日式一口牛，有少少入口即溶嘅感覺。佢嘅牛肉拉麵都唔錯㗎。最後要左兩種磯燒小食-鐵板芝士骨，同埋蟹皇粥，食到攬住個肚走。