Couple's Kitchen (Closed)

餐廳門面同店內牆身用咗墨綠色，牆上用咗鏡做裝飾，卡位做咗灰色，成個感覺好舒服～ 室內面積大，樓底高身，當日被安排坐卡位，座位闊落，可以好好享受環境咁同👦🏻共度晚餐～獨享西式品味套餐 ＄188呢到既一人晚餐幾抵食，主菜奉送是日餐湯、$28以下既飲品同是日甜品～🍹香辣海鮮黑胡椒軟殼蟹意粉軟殼蟹大隻炸到脆身，配咗半個檸檬，怕油膩可以滴檸檬汁食～軟殼蟹保留到肉汁同蟹膏👍🏻 意粉食落重黑胡椒味，少少辣，幾惹味！🍝香煎鵝肝牛肉漢堡 +$20漢堡包份量十足，一啖咬唔哂，牛肉厚身有肉汁，鵝肝油香滋味，仲有煙肉、芝士、蕃茄同沙律醬，呢個組合唔錯。配菜有薯條，薯條炸到熱辣辣好香脆。🍔飲品揀咗蘋果汁同橙汁，都係跟餐既～🍎🍊是日甜品係馬卡龍同士多啤梨泡芙，朱古力味馬卡龍朱古力味非常濃厚，士多啤梨泡芙外皮薄身入面係士多啤梨忌廉，清甜輕盈，甜品唔錯。🍫🍓📍 Couple's Kitchen (元朗)元朗教育路63-69號福照樓地下2-3號舖