鳥酌 (Closed)

真心講呢間野一啲都唔平，但係如果你對食物有要求嘅話你一定食得出佢同平嘢嘅分別。首先你要試一串雞皮你就會發覺日本雞皮同你街邊食到嘅燒雞皮係完全唔同，當然如果你分辨唔到嘅話咁你都唔使再嘥錢食其他嘢。半生熟嘅燒雞肝同埋燒雞肉係一定要試(如果你夠膽食嘅話),如果鍾意食燒魚嘅話一定要食燒日本香魚同埋酒夜干馬友。如果同我一樣鍾意飲啤酒嘅朋友一定要試佢嘅梅子漬蕃茄同埋炸牛蒡。(尤其是唔鍾意食蕃茄嘅朋友一定要試吓)。鍾意食內臟嘅我更加唔會放過佢嘅豬腸同牛小腸。