Video
Read full review
2020-11-10
75 views
難得限聚令同枱食飯放寛人數，一於約D朋友仔出黎聚下，我地鐘意食有鑊氣既小菜，所以去左朋友屋企附近哩間餐廳，一行入去餐廳裝潢帶濃厚的懷舊風格，店員安排我地坐寛落的卡位，睇下個meau,原來晚市哩度主打打邊爐，我地再睇下有咩小菜選擇時，發現都有好多款式，最後我地叫左三餸一湯兼要個炒飯，至於飲品方面，我地見隔離枱有Jar好大樽既飲品，於是估計係老闆水果茶，所以都叫左Jar。飲品好快就送到，好大jar,裡面有好多唔同既生果，分別有蘋果，鮮橙、百香果、青檸、波蘿、椰果等等，飲完仲可以食埋裡面既生果，超值。第一道菜: 沙薑豬手，白雪雪，有沙薑味兼五香麻辣味道夾雜當中，令味蕾提升，豬手凍凍地好爽脆，是唔錯的前菜。第二道菜: 辣肉金磚豆腐盒店員將佢一放係枱面，我地個個都嘩然，賣相好靚，做到似甜品一樣，親熱食個外皮好酥脆，表皮仲放左黑芝麻一起炸，增加口感之餘賣相更吸引，咬落豆腐超滑溜，無味的豆腐配上酸菜辣肉碎，真係好似個放著黃金的寶盒一樣精緻。第三道菜: 豆豉炒蜆，D蜆都好大粒，份量都算多，豉椒和辣椒的味道濃郁，夠哂野味。湯方面，我地叫左濃湯海味雜菜煲，貪佢有菜又有啖湯飲，但估唔到成個煲都係菜，重要唔止
店員安排我地坐寛落的卡位，睇下個meau,原來晚市哩度主打打邊爐，我地再睇下有咩小菜選擇時，發現都有好多款式，
最後我地叫左三餸一湯兼要個炒飯，至於飲品方面，我地見隔離枱有Jar好大樽既飲品，於是估計係老闆水果茶，所以都叫左Jar。
飲品好快就送到，好大jar,裡面有好多唔同既生果，分別有蘋果，鮮橙、百香果、青檸、波蘿、椰果等等，飲完仲可以食埋裡面既生果，超值。
老闆水果茶
$48
7 views
0 likes
0 comments
老闆水果茶
$48
9 views
0 likes
0 comments
第一道菜: 沙薑豬手，
白雪雪，有沙薑味兼五香麻辣味道夾雜當中，令味蕾提升，豬手凍凍地好爽脆，是唔錯的前菜。
沙薑豬手
$68
7 views
0 likes
0 comments
第二道菜: 辣肉金磚豆腐盒
店員將佢一放係枱面，我地個個都嘩然，賣相好靚，做到似甜品一樣，親熱食個外皮好酥脆，表皮仲放左黑芝麻一起炸，增加口感之餘賣相更吸引，咬落豆腐超滑溜，無味的豆腐配上酸菜辣肉碎，真係好似個放著黃金的寶盒一樣精緻。
辣肉金磚豆腐盒
$78
5 views
0 likes
0 comments
第三道菜: 豆豉炒蜆，D蜆都好大粒，份量都算多，豉椒和辣椒的味道濃郁，夠哂野味。
豆豉炒蜆
$78
4 views
0 likes
0 comments
湯方面，我地叫左濃湯海味雜菜煲，貪佢有菜又有啖湯飲，但估唔到成個煲都係菜，重要唔止一款，有菜心、小白菜、小棠菜，西蘭花，除左菜仲有鮮魷魚、蝦干、黑木耳、金菇、粉絲等等，用料真係好足，一次過食到唔同款式食材，認真覺得抵。
濃湯海味雜菜煲
$88
4 views
0 likes
0 comments
瑤柱薑米蛋白炒飯: 好多滑滑既蛋白同薑粒係裡面，感覺食完可以驅風兼養顏，而且份量我地每人分完一碗都仲有，好大兜。
瑤柱薑米蛋白炒飯
$88
10 views
0 likes
0 comments
食完緊係要去下廁所先走啦，店員們好親切又有笑容地指路，又提醒地下濕滑要慢慢行，哩種服務態度巳經好耐無見過了。
我地個個都捧住個肚走，食物份量大兼用足料煮，加上價錢親民，一定會同朋友再去光顧。
Post
