逸之燒 (Closed)

隨著YOHO生活圈變得熱鬧、亦都多左好嘢好嘢食！但呢間居酒屋#逸之燒，就系呢區嘅老店。之所以可以系度開業咁耐。佢地嘅食物款式及質素良好，以至環境同服務都有一定水準，所以就吸引度我呢個回頭客再度光顧!!食物選擇好多，包括剌身、串燒、鍋物等等，我個人推介佢嘅串燒熟食！😋而牆壁都掛有幾幅日本掛畫，座位也算寬敞。R1松葉蟹粥比我預期中大豌，粥底好綿，有蟹香鮮味，我地兩人合共食左八個飯碗，好香蟹既鮮味。A5.燒鵝肝多士以一口形式，鵝肝又厚都幾肥美，而多士烘得好鬆脆。值得再encore呀！B3.汁燒黑椒安格斯牛肉串食落味道有濃烈黑椒汁牛肉味，細細串，入口即化。配合得啱啱好！J1.雜錦串燒十本系咁多串當中雞肉棒，豚肉鵪鶉蛋串 及豚肉荔枝串值得稱讚!!汁燒免治雞肉棒香脆內軟骨嘅雞肉，沾上照燒蛋汁食令焦香令雞肉更有層次，十分美味😋鹽燒豚肉鵪鶉蛋串 三隻鵪鶉蛋被鹽燒豚肉包住都食落幾有口感又香口。鹽燒豚肉荔枝串豚肉捲住荔枝串，果味十分突出，食落又Juicy，一咸一甜，惹味十足。總結：兩個人系度食左大約600蚊，可以係元朗可經營咁耐，就有番返咁上下，真心推介。