維港灣餃子坊 (Closed)

今日一早入咗黎元朗參加朋友婚禮，婚禮完畢後，我哋就出咗去元朗市中心覓食，行嚟行去，都唔知食邊間好😅😅😅因為元朗實在有好多好嘢食喇！經過一輪掙扎之後，見到呢間維港灣自家製餃子店好似唔錯，於是就膽粗粗入去試吓！之前我喺長沙灣食過一間叫做「甜記餃子」，一試難忘，從此我就愛上左餃子🤣🤣🤣！講返呢間維港灣餃子先，我叫咗兩款餃子，一款係鹹蛋黃芥菜鮮肉餃子，另一款係芫茜煎肉煎餃！呢度啲餃子大大隻，好飽滿，老闆一啲都唔孤寒，仲要送碗足料老火湯，勁抵食！呢度有好多款自家製餃子俾你揀，仲有啲時令餃子添，包你每次黎都有驚喜，唔使咁悶焗！總括來講，呢間小店好食得黎又乾淨企理，元朗街坊有福了，有間咁好食嘅餃子店👍🏻👍🏻👍🏻