永順沙嗲牛肉專門店

Open Now

Now Closed

今日入開大西北，朋友帶咗去食間沙嗲牛出名嘅茶記。餐牌大部分都係散叫，然後啲餸再加錢。叫咗一碗炒牛肉煎豬扒福麵，另一碗沙嗲牛肉咸牛肉炒蛋蟹王麵。整體嘅餸都算高質，炒牛肉竟然好有鑊氣，豬扒都大大塊(但明顯有用鬆肉粉那過)，沙嗲牛肉都大大塊，濃濃嘅沙嗲汁撈埋個湯好正。蟹王麵我第一次聽第一次食，佢同其他即食麵又真係唔同啲好食啲，如果黎到食真係要加錢轉食呢個麵。其實4,50蚊一碗又唔係貴，咁啱經過又或住附近都可以黎食下，當日好好彩唔洗排隊直入，但keep住都坐滿人。