阿茶茶。館 (Closed)

去開元朗，又到中午，搵個地方食lunch，咁岩見到間有d格調既西餐，咪入去試試。門口有個啤酒桶，幾得意。見佢d set lunch都係幾十蚊，都ok啦，入去坐低先算。入到去都見到唔同既小擺設，幾有意思。有幾樣野都想食，想試下羊架同法式油封鴨，不過最後都係食清一D，就叫左個f餐意大利扁意粉+慢煮蛋+煙肉芝士。侍應落單都幾快，唔使一陣就有得食。先黎左個湯同麵包。雖然係白湯，但唔咸，仲帶有蘑菇味，麵包很有口感同淡然的蕃茄香，好似係佢地自己焗架。pasta的份量剛好，食完都飽飽地，不過唔肥膩，以往食個D都幾咸,無諗過佢可以做得幾清，清得黎都試到佢D芝士味，意粉口感整得幾好，仲有個隻慢煮蛋，拮穿左個黃，將蛋汁撈入意粉中食，味道更佳。最後餐飲點左黑咖啡，黑咖啡唔加奶唔加糖，咁先試到咖啡既原味，咖啡酸味重，味道唔錯。