APRIL COFFEE LAB

Open Now

Now Closed

我唔係大西北嘅居民，但我決定專程入元朗，就係要試吓April coffee lab嘅早餐+咖啡，仲忍唔住叫咗件蛋糕。室內座位得10個，室外有少量座位，見到唔少街坊買外賣咖啡。*藍莓多士 $58黑麥酸種麵包微濕潤，搽擦滿一層馬斯卡彭芝士，帶微奶香，鋪上藍莓，大大粒又甜。撒埋穀物片、椰子片，增加口感，配搭好夾。淋埋楓糖漿，甜上加甜，但完全唔膩，大推！鐵觀音焦香芝士蛋糕 $48雖然表面冇傳統焦黑外皮，但冇阻佢優秀之處。用叉輕輕一切，就知道質地綿密軟滑。芝士味偏淡，突出到鐵觀音茶味，香濃帶微回甘味。拿鐵 $38可選nutty/fruity，配奶當然揀nutty啦！奶泡細膩，入口奶味較重，咖啡味弱啲。