NZ餐館 (Closed)

揾位泊車相信係一個揸車人士喺香港的煩惱，揾錶位難，食餐飯要俾多廿幾三十蚊停車場錢，食商場嘢又貴啲，元朗站附近都有啲選擇，爾巒附近的NZ 餐館都可以係一個揸車人士唔錯的地方。咁作為茶餐廳，佢的裝修都幾有特色，門口企有大大架大黃蜂，好有型。茶廳就有戶外同室內。今日午餐點左香草醬雞扒拼牛仔腸飯，同XO醬叉燒炒烏冬，凍飲加1蚊。香草醬雞扒都唔錯，香草味重同有蜜糖香，雞扒肉質都可以，算幾腍，都幾大塊雞扒。XO 醬叉燒炒烏冬好大碟，叉燒份量好多，大大件都有6、7件，雖然話係XO 醬，但食唔出係XO 醬味，都係中式豉油老抽嗰種味。呢度未到好好食，但抵食大碟都算講得上，又泊到車，都係一個方便之選。