Video
Read full review
2018-05-04
1318 views
今次呢間餐廳比較特別，佢係尼泊爾人開既尼泊爾菜。位於元朗千色後面既停車場果頭(近機鋪)，由於佢冇豪裝，門口又冇放menu，令到好多人都見唔到佢。究竟佢味道如何呢?今次我地係叫左Samosa Chat(咖哩角)，Pani Puri(小空心餅)，Chicken Lollipop(雞鎚)，同埋Masala Tea(馬沙拉蒂)(奶茶)Samosa Chat尼泊爾既咖哩角，同我地本地用春卷皮整既唔同，皮會比較厚實同大蕭舊。而餡料都非常多，有莞茜味，十分飽肚。Pani Puri絕對係我地既最愛，每次去都會想叫。點解咁吸引，仍係用一個炸既脆皮兜兜，入面有薯仔，洋葱，豆，另外會比樽酸辣汁你淋入個兜兜到食。感覺有小小似小籠包，層次好豐富，你會先FEEL到佢個脆皮好薄好脆而不油膩。咬穿左D汁就爆哂入你個口入面，當你覺得成口都係水既時候，豆同薯仔就會幫你吸到汁，最後又會散發出陣陣洋蔥同莞茜既味道。令人食完之後都不禁會心微笑，同朋友分享咁好食既美食。Lollipop佢係以烤泥到煮呢個雞鎚，仲預先幫你用錫紙包起揸手既位置，十分貼心。呢個部位十分嫩滑，再加上佢比的酸辣汁，岩哂平時中意食雞既朋友。Masala Te
今次我地係叫左Samosa Chat(咖哩角)，Pani Puri(小空心餅)，Chicken Lollipop(雞鎚)，同埋Masala Tea(馬沙拉蒂)(奶茶)
Samosa Chat
尼泊爾既咖哩角，同我地本地用春卷皮整既唔同，皮會比較厚實同大蕭舊。而餡料都非常多，有莞茜味，十分飽肚。
Pani Puri
絕對係我地既最愛，每次去都會想叫。點解咁吸引，仍係用一個炸既脆皮兜兜，入面有薯仔，洋葱，豆，另外會比樽酸辣汁你淋入個兜兜到食。感覺有小小似小籠包，層次好豐富，你會先FEEL到佢個脆皮好薄好脆而不油膩。咬穿左D汁就爆哂入你個口入面，當你覺得成口都係水既時候，豆同薯仔就會幫你吸到汁，最後又會散發出陣陣洋蔥同莞茜既味道。令人食完之後都不禁會心微笑，同朋友分享咁好食既美食。
Lollipop
佢係以烤泥到煮呢個雞鎚，仲預先幫你用錫紙包起揸手既位置，十分貼心。呢個部位十分嫩滑，再加上佢比的酸辣汁，岩哂平時中意食雞既朋友。
Masala Tea
呢到既Masala Tea香料味超重，如果中意果種重口味既香料既話，吒杯伯好岩你。如果你唔中意，我會推介你飲LASSI(拉西)(奶昔)。
呢間野既價格十分親民，大約一人$60內已經可以食到你飽。
地址: 元朗紅棉圍15-17號兆景樓地下
Post