K&L Dream Cafe (Closed)

今日同朋友出開元朗行下，夜晚誤打誤撞入左呢間西餐廳食dinner, 估唔到又幾有驚喜。餐牌環境都幾舒服，座位寬敞。是日餐湯係西蘭花忌廉湯，濃濃的西蘭花味，配埋脆卜卜蒜蓉包，yummy!雲霧煙燻法式櫻桃醬嫩煎鴨胸配紅酒梨：呢道菜好有heart,首先紅酒梨唔係好多地方有，原來店主用左好多時間心機去製作紅酒梨。鴨胸肉嫩，一啲都唔鞋口，啖啖肉！慢煮巴馬火腿黑松露野菌釀雞卷，都係誠意之作，將呢啲食材釀入雞卷，非常厚實，但一啲都唔膩，慢煮雞肉好滑嫩，而且雞卷好大份，都幾夠飽！精緻的雪糕作為美味晚餐既結束！