Video
Read full review
2022-10-22
55 views
元朗真係好多好嘢食，所以每個人心中都有一張元朗美食地圖。除咗元朗大馬路一帶之外，今次我哋就去遠少少，嚟到朗晴邨嘅人氣西餐：The Yell-Owl Seafood And Grill。白藜麥蕃茄沙律配自家製芝麻醬套餐包嘅白藜麥蕃茄沙律配自家製芝麻醬，除咗用上新鮮蕃茄，仲配上白藜麥，撈埋一齊食，口感豐富又清新。自家製嘅芝麻醬又香又滑，味道啱啱好，好有層次。至於套餐仲包埋creamy嘅南瓜湯。香蒜牛油汁鑽石蜆配藍青口小食就叫咗香蒜牛油汁鑽石蜆配藍青口，鑽石蜆同青口份量都幾多，加入大量嘅碎蒜烹調，又爽口又鮮甜，非常新鮮，令人食指大動！燒紐西蘭西冷配乾蔥忌廉汁燴薯粒及扒甘筍條西冷叫咗5成熟，大廚對西冷嘅生熟度拿捏非常準繩，肉嫩又juicy。醬汁方面，餐廳提供黃芥末、黑椒汁同鹽粒俾大家選擇，不過只要落少少鹽就已經充分帶出牛扒嘅美味！從西冷嘅配菜就睇得出餐廳嘅細心，三款配菜都用上唔同煮法，有稍微烤過嘅蒜頭、用忌廉汁燴過嘅薯粒以及略煎過嘅甘筍條。烤蒜頭烤到軟身但又唔散，蒜香濃郁，時間控制得啱啱好！黑松露野菌忌廉汁意大利飯另一個主菜就叫咗黑松露野菌忌廉汁意大利飯，餐廳嘅意大利飯煮得相對腍身，係香港人喜
白藜麥蕃茄沙律配自家製芝麻醬
套餐包嘅白藜麥蕃茄沙律配自家製芝麻醬，除咗用上新鮮蕃茄，仲配上白藜麥，撈埋一齊食，口感豐富又清新。自家製嘅芝麻醬又香又滑，味道啱啱好，好有層次。至於套餐仲包埋creamy嘅南瓜湯。
香蒜牛油汁鑽石蜆配藍青口
小食就叫咗香蒜牛油汁鑽石蜆配藍青口，鑽石蜆同青口份量都幾多，加入大量嘅碎蒜烹調，又爽口又鮮甜，非常新鮮，令人食指大動！
燒紐西蘭西冷配乾蔥忌廉汁燴薯粒及扒甘筍條
西冷叫咗5成熟，大廚對西冷嘅生熟度拿捏非常準繩，肉嫩又juicy。醬汁方面，餐廳提供黃芥末、黑椒汁同鹽粒俾大家選擇，不過只要落少少鹽就已經充分帶出牛扒嘅美味！從西冷嘅配菜就睇得出餐廳嘅細心，三款配菜都用上唔同煮法，有稍微烤過嘅蒜頭、用忌廉汁燴過嘅薯粒以及略煎過嘅甘筍條。烤蒜頭烤到軟身但又唔散，蒜香濃郁，時間控制得啱啱好！
黑松露野菌忌廉汁意大利飯
另一個主菜就叫咗黑松露野菌忌廉汁意大利飯，餐廳嘅意大利飯煮得相對腍身，係香港人喜歡嘅口感，當然我都非常滿意。意大利飯帶有忌廉汁香濃順滑同黑松露濃烈嘅飄香，真係口感同味道都有齊。
Post
