芝加哥串燒酒場 (明雲閣)

首先要讚下佢哋嘅Chicago Logo Beer😌有啖啖果香，飲落順口，平時都唔係好好啤酒都覺得好飲🫶🏽串燒同啤酒真係好夾！嚟之前已經諗好一定要嗌燒白鱔，果然冇令人失望，鱔皮好脆，鱔肉富有油脂香味，忍唔住Encore咗🥹燒乳豬不愧係招牌，乳豬皮燒到脆卜卜，乳豬肉入口即溶🤤最勁係佢哋整到令人一啲都唔覺得油膩！燒大頭蝦勁大隻，好有份量👏🏽蝦頭有膏，蝦肉彈牙！牛舌芯係厚切👍🏽火喉掌握得啱啱好，外脆內軟，牛舌好重牛味，鍾意食牛嘅話一定要嗌😋最後仲嗌咗燒湯圓做甜品，令人好有驚喜，唔係周圍有得食，燒到外皮脆得嚟又有啲煙靭，加埋流心芝麻餡，成件事好滿足！🥳