木玥巷 (Closed)

之前經過木玥巷已經覺得呢間餐廳嘅木系裝飾幾有feel~今日終於有機會食下我本身都幾鍾意食台式野、而紅燒牛肉麵同埋鹽酥雞扒更加係我必叫嘅野 覺得呢2樣好食 其他都會好食🤣🤣🤣講左紅燒牛肉麵先，好多台式餐廳都會有呢道菜，間間都話招牌、必食，但好老實講 之前係香港又真係冇食過一間特別好食嘅🥲但木玥巷嘅呢個牛肉麵真係對得住招牌兩個字，真心出色 講左湯底先湯底有淡淡藥材味味道岩岩好、食過好多 啲麵都係偏淋 但呢度麵質唔係過淋仲帶有啲爽口👍🏻牛腱炆得好淋又入味，仲有啲紅蘿蔔同菜做配菜，連配菜都好食！總括然而成碗麵味道都好平衡亦好好食而鹽酥雞扒飯，一上菜第一個反應係：份量非常足料🤣睇返個切面，炸得好好，唔會炸皮同雞肉分離！啲肉亦唔係炸到乾淨淨，仲係好juice咖❤️❤️❤️飯係菜飯，但係炒飯底 仲有啲蛋白，炒飯底香口 淨係食飯都好食😆😆另外仲叫左個蜂蜜冰烤地瓜，地瓜冰冰涼涼，口質綿密軟糯，加上甜甜嘅蜂蜜，係一個好唔錯嘅小食加甜品🥰🥰最後想特別講埋佢地呢個玫瑰氣泡蝶豆花菜🧊蝶豆花嘅顏色超靚唔洗講啦，佢嘅味道有少少似蜜糖水嘅味但係氣泡水版，配埋啲炸野 好飲又解膩