Video
Read full review
2022-09-15
454 views
每當我好想食川菜，都會諗起呢間餐廳，除左店名夠曬記憶點之外，食物質素亦好有水準，只係地方比較僻靜，但仍然吸引唔少食客捧場。辣子拼盤(大腸、鴨舌、雞軟骨)高溫炸至甘香酥脆，入口咸香，椒鹽味岩岩好，少少微辣，真係食到停唔到口。大腸同雞軟骨既油脂比較多，但食落唔會成日油，炸得好乾身，唔食唔知，原來炸鴨舌係非常惹味，呢個菜式跟埋啤酒一齊食，爽！碟面有大量辣椒，其實係香多過辣，辣度算係BB辣，就算唔食得辣既朋友仔都一定食到。香蒜炸子雞半隻呢味餸係有緣先食到既菜式，因為唔係每日都供應，有既話絕對值得一試。雞皮炸到脆卜卜，雞肉又唔會過熟，連皮一齊食，雞油油脂既香味同雞肉融為一體，再點埋薑蔥蒜熟油豉油，有香料同醬油配襯，味道更加豐富。蓮藕炒咸肉小菜夠鑊氣，用蒜粒香芹爆炒，一上菜就聞到好香，味道咸中帶甜，偏甜多，咸肉比較肥。如果鍾意咸香多d/怕肥既朋友仔可以叫其他小炒試下。呢間餐廳既炸物同椒鹽都做得唔錯，如果你第一次來食既話記得試下。其實餐廳仲有好多菜式都好吸引，見到隔離枱上菜，都會俾香味同外觀吸引，令你不自覺望多兩眼🤤另外溫馨提示下大家，呢度1900左右就開始多人，店舖有兩層，地下多數無位，要上二樓，
每當我好想食川菜，都會諗起呢間餐廳，除左店名夠曬記憶點之外，食物質素亦好有水準，只係地方比較僻靜，但仍然吸引唔少食客捧場。
辣子拼盤(大腸、鴨舌、雞軟骨)
高溫炸至甘香酥脆，入口咸香，椒鹽味岩岩好，少少微辣，真係食到停唔到口。大腸同雞軟骨既油脂比較多，但食落唔會成日油，炸得好乾身，唔食唔知，原來炸鴨舌係非常惹味，呢個菜式跟埋啤酒一齊食，爽！碟面有大量辣椒，其實係香多過辣，辣度算係BB辣，就算唔食得辣既朋友仔都一定食到。
香蒜炸子雞半隻
呢味餸係有緣先食到既菜式，因為唔係每日都供應，有既話絕對值得一試。雞皮炸到脆卜卜，雞肉又唔會過熟，連皮一齊食，雞油油脂既香味同雞肉融為一體，再點埋薑蔥蒜熟油豉油，有香料同醬油配襯，味道更加豐富。
蓮藕炒咸肉
小菜夠鑊氣，用蒜粒香芹爆炒，一上菜就聞到好香，味道咸中帶甜，偏甜多，咸肉比較肥。如果鍾意咸香多d/怕肥既朋友仔可以叫其他小炒試下。
呢間餐廳既炸物同椒鹽都做得唔錯，如果你第一次來食既話記得試下。其實餐廳仲有好多菜式都好吸引，見到隔離枱上菜，都會俾香味同外觀吸引，令你不自覺望多兩眼🤤另外溫馨提示下大家，呢度1900左右就開始多人，店舖有兩層，地下多數無位，要上二樓，落單無咁方便同快捷，樓梯牆位可以襟鐘仔，但位置唔太覺眼。
好味：4/5
環境：3/5
客服：3.5/5
15 views
1 likes
0 comments
Post
