Video
Read full review
2023-05-04
62 views
自從大半年前食過後，一直念念不忘，最近終於捉左朋友仔陪我再訪，魚生依然新鮮又鮮甜，仲要擺到好精緻，真係賞心悅目。⁂⁂⁂Lunch Omakase⁂⁂⁂❀沙律及茶碗蒸❀粟米胡麻沙律新鮮又爽口，仲有沖繩水雲食，酸酸地咁好清新。茶碗蒸有白飯魚、蟹柳及菇菇粒，個蛋都幾滑，唔錯。❀小長井真蠔❀生蠔外表飽滿，口感爽身，味道清甜， 海水味唔會太重。❀松葉蟹❀松葉蟹肉質鮮甜，份量幾多，配上蛋黃醋可以突出鮮味。❀墨魚配馬糞海膽❀馬糞海膽呈橙黃色澤，味道濃郁，口感嫩滑，同墨魚食好夾。❀北海道銀鱈魚❀經過輕微火炙後油脂出哂黎，好香口，好似入口即融咁。❀吞拿魚鮫❀魚肉煮到好腍好入味，食落甜甜地幾好👍🏻❀壽司❀金鱔鯛肉質柔軟，膠質較重，幾有咬口；櫻鱒同三文魚好似樣，肉質有好多油脂；鰹魚皮經過火炙帶有少少炭火香味，味道偏酸；中拖羅脂肪比例較高，入口甘香，配上鹹香嘅法國魚子醬好惹味；蛇腹拖羅入口即化，味道甘甜；吞拿魚腦天一條吞拿魚只得兩片，口感軟滑，魚味好濃；甜蝦肉質細綿味道鮮美，配上鱈魚片好盞鬼；右口魚鰈邊燒完後逼哂油份出黎，入口濃郁甘香，滑溜軟嫩。❀北海道白海膽三文魚籽丼❀白海膽肉質嫩滑水分重，三文魚籽魚油滲出
最近終於捉左朋友仔陪我再訪，
魚生依然新鮮又鮮甜，
仲要擺到好精緻，真係賞心悅目。
⁂⁂⁂Lunch Omakase⁂⁂⁂
❀沙律及茶碗蒸❀
粟米胡麻沙律新鮮又爽口，
仲有沖繩水雲食，酸酸地咁好清新。
茶碗蒸有白飯魚、蟹柳及菇菇粒，
個蛋都幾滑，唔錯。
❀小長井真蠔❀
生蠔外表飽滿，口感爽身，
味道清甜， 海水味唔會太重。
❀松葉蟹❀
松葉蟹肉質鮮甜，份量幾多，
配上蛋黃醋可以突出鮮味。
❀墨魚配馬糞海膽❀
馬糞海膽呈橙黃色澤，
味道濃郁，口感嫩滑，
同墨魚食好夾。
❀北海道銀鱈魚❀
經過輕微火炙後油脂出哂黎，
好香口，好似入口即融咁。
❀吞拿魚鮫❀
魚肉煮到好腍好入味，
食落甜甜地幾好👍🏻
❀壽司❀
金鱔鯛肉質柔軟，膠質較重，幾有咬口；
櫻鱒同三文魚好似樣，肉質有好多油脂；
鰹魚皮經過火炙帶有少少炭火香味，味道偏酸；
中拖羅脂肪比例較高，入口甘香，
配上鹹香嘅法國魚子醬好惹味；
蛇腹拖羅入口即化，味道甘甜；
吞拿魚腦天一條吞拿魚只得兩片，
口感軟滑，魚味好濃；
甜蝦肉質細綿味道鮮美，配上鱈魚片好盞鬼；
右口魚鰈邊燒完後逼哂油份出黎，
入口濃郁甘香，滑溜軟嫩。
❀北海道白海膽三文魚籽丼❀
白海膽肉質嫩滑水分重，
三文魚籽魚油滲出點點甜香，
超級好味，面頭仲有金箔打卡好靚🫶🏻
❀麵豉湯❀
好足料，飲完個身暖笠笠。
❀焙茶布甸❀
布甸茶香醇厚，好有奶香味。
Post
