Video
Read full review
2022-12-07
48 views
上網見到依間新開燒肉店，想食好耐又落到元朗，就去試下先！門口佈置得好靚，掛滿燈籠同日本式佈置。環境裝修都好有心思，令你置身於日本。特選牛肉盛（上品和牛肉眼芯，上品和牛肩肉，上品牛胸腹肉，和牛面筋肉）一見到個擺盆已經好開心，油脂分佈平均，每款有4片，份量啱啱好。和牛真係唔同Ｄ，係咁多款牛入面最好味，入口即溶，食完個口仲充滿牛肉的香味，正封門柳顏色咁深，以為無乜特別，牛味好濃，好淋身薄切牛舌芯本身唔食牛舌，但係見到好多人推介，就即管試下啦，原來都好正，下次會再叫薩摩雞腿肉雞肉好驚唔熟，所以燒得好耐，預咗會唔好味，點知係好滑同好香雞味鹽燒豚腩肉配生菜唔會太肥，燒完個皮脆脆地，再夾埋生菜，完全唔會覺得膩北海道元貝餐廳俾咗好多牛油，令元貝充滿牛油香味，肉質爽口，好新鮮西京鰻魚燒鰻魚好驚痴底，好在夠火喉，燒得好靚，好甘香北海道魷魚勁大份，係成條魷魚，好厚肉好爽菠蘿平時最鍾意出街食燒菠蘿，今次自己燒，可以調教燒幾耐，自己燒真係好味好多，好多汁又甜唐揚魷魚鬚魷魚鬚好大舊，炸粉唔會太多，超好味七味炸雞軟骨等緊燒肉過程，食下食下又唔會太飽，又可以過下口癮蟹籽沙津份量十足，唔只係青瓜絲，仲會有埋生菜，令口感
上網見到依間新開燒肉店，想食好耐又落到元朗，就去試下先！門口佈置得好靚，掛滿燈籠同日本式佈置。環境裝修都好有心思，令你置身於日本。
特選牛肉盛（上品和牛肉眼芯，上品和牛肩肉，上品牛胸腹肉，和牛面筋肉）
一見到個擺盆已經好開心，油脂分佈平均，每款有4片，份量啱啱好。和牛真係唔同Ｄ，係咁多款牛入面最好味，入口即溶，食完個口仲充滿牛肉的香味，正
封門柳
顏色咁深，以為無乜特別，牛味好濃，好淋身
薄切牛舌芯
本身唔食牛舌，但係見到好多人推介，就即管試下啦，原來都好正，下次會再叫
薩摩雞腿肉
雞肉好驚唔熟，所以燒得好耐，預咗會唔好味，點知係好滑同好香雞味
鹽燒豚腩肉配生菜
唔會太肥，燒完個皮脆脆地，再夾埋生菜，完全唔會覺得膩
北海道元貝
餐廳俾咗好多牛油，令元貝充滿牛油香味，肉質爽口，好新鮮
西京鰻魚
燒鰻魚好驚痴底，好在夠火喉，燒得好靚，好甘香
北海道魷魚
勁大份，係成條魷魚，好厚肉好爽
菠蘿
平時最鍾意出街食燒菠蘿，今次自己燒，可以調教燒幾耐，自己燒真係好味好多，好多汁又甜
唐揚魷魚鬚
魷魚鬚好大舊，炸粉唔會太多，超好味
七味炸雞軟骨
等緊燒肉過程，食下食下又唔會太飽，又可以過下口癮
蟹籽沙津
份量十足，唔只係青瓜絲，仲會有埋生菜，令口感更加豐富，食下沙律再食燒肉，感覺無咁膩
忌廉綠茶紅豆冰，蜜桃冰茶
雖然嗰日好凍，但食燒肉無可能唔飲凍飲，大大杯，勁抵
性價比高，晚上仲有優惠時段，可以叫多幾款，唔好以為俾Ｄ買剩貨你，全部質素都好高質，絕對抵食。每枱都有抽風管，食完都唔會成身油煙味。
員工服務態度好好，會主動幫你換燒網，提醒燒肉要注意地方。非常高質既一間日式燒肉店，推介！！！！
Post
