十十四川料理 (Closed)

今日黎到yoho ,行行下街聞到好大陣好香麻辣味，去左睇下，地下位置有一間食四川菜既餐廳咁就份左去食。佢有戶外位置，都可有氣氛，唔似一般食四川菜鋪頭既格調。環境好chill ，位置好闊落，坐戶外都幾有feel。見到餐牌都好多款野食，都真係花多眼亂，我就點下以下幾款食物。招牌酸菜魚酸菜魚我就簡左小辣，送到黎賣相好好，份量都唔少，魚肉份量多，冇咩魚骨，唔腥，size都厚大，肉質滑，配料多，佢個麵低係寬薯粉，湯底酸度岩岩好，辣度對於少食辣既人都接受到，味道濃郁，十分推介。老壇四川樟茶鴨呢一道菜係必點，上菜時已好香。呢道菜係茶樹與茶葉來炮製熏鴨，食落去好香煙燻味，加上皮脆肉嫩帶鹹香，別具風味，平時係真係好少食到，而且做既功夫都好多，建議一定要試。蔥爆牛肉呢道菜用上京蔥，京蔥煮得岩岩好，唔會太生，牛肉軟冧，大大塊，而且份量都好多。紅燒乳鴿乳鴿多肉，肉質鮮嫩，多汁，肉質柔軟，好香。清炒萵筍絲食左咁多油膩野，叫翻呢道菜岩岩好，好清新，唔油膩，好爽脆，食呢個完全解哂油膩味，味道少少鹹味，日常都好少會食到呢個菜，值得一試。整體後講 環境靚，服務好，野食都好出色 ，而且都比較少機會食到，鍾意四川茶朋友都可