尚泰太 (Closed)

好掛住去泰國玩嘅日子，飛就未有得飛，食返餐泰國菜都唔過分呀🤭今次就係元朗附近搵左間泰國餐廳，都幾多人推介架❤️佢係元朗教育路附近都幾方便又易搵到，座位仲好闊落🤭都幾啱一班人聚下🌟豬油渣肉碎生菜包- 夠味又唔算好辣，加埋豬油渣嘅香脆，口感即刻豐富左🥰加上份量好足、生菜又好新鮮，配搭埋一齊就係好好味🤭🌟泰式炸魚餅 - 平時炸蝦餅成日都食，今次就換下新意試下炸魚餅，魚餅本身調味已經好足夠，包住啱同嘅香料。加上泰式辣醬，依份小食真係會令人停唔到口🤭🌟泰式香芒蟹肉炒飯 - 一定要講佢嘅芒果好甜！好好味！對於重口味嘅我嚟講，如果炒飯再咸多少少就一流啦，但so far 依個炒飯都做到粒粒分明🤭🌟泰式奶茶- 依個應該係我食親泰國野必點飲品，獨特嘅茶香味加上煉奶 🤭又甜又香，加上泰菜嘅酸辣又幾match🤭快啲去試下啦