Video
Read full review
2023-12-04
127 views
成日聽人講元朗多好嘢食，今次去左巴打火鍋真係滿足！除咗常見嘅火鍋配料，仲有啲特色例如竹笙釀蝦滑，真係好好味！仲有好多新鮮靚海鮮，湯底都好正～先講個扇貝豬骨鍋底，喺呢度嘅招牌鍋底，真係成餐飯嘅靈魂！佢用豬骨慢煮熬製出濃郁嘅湯底，加埋香甜嘅扇貝吊味，而且扇貝有好多隻，夠晒四個人食～第一次食竹笙釀蝦滑發現個味原來咁襯！啲蝦滑又滑又彈牙，吸收埋湯嘅精華，簡直係無懈可擊😋另外值得一提係海鮮，尤其大蟶子，大大隻又抵食，而且好新鮮好甜！一定要嗌啲海鮮放落個鍋，跟其他嘢食都昇華咗20%！整體黎講，巴打火鍋係一個好值得推介嘅地方。食材新鮮，質量唔錯，而且湯底真係好出色！其他配菜都相當唔錯，例如肥牛、雲吞，小食如椒鹽豆腐都炸得好香脆，服務亦都好好，環境舒適。下次再去元朗一定會再帶frd嚟呢度食！
先講個扇貝豬骨鍋底，喺呢度嘅招牌鍋底，真係成餐飯嘅靈魂！佢用豬骨慢煮熬製出濃郁嘅湯底，加埋香甜嘅扇貝吊味，而且扇貝有好多隻，夠晒四個人食～
第一次食竹笙釀蝦滑發現個味原來咁襯！啲蝦滑又滑又彈牙，吸收埋湯嘅精華，簡直係無懈可擊😋另外值得一提係海鮮，尤其大蟶子，大大隻又抵食，而且好新鮮好甜！一定要嗌啲海鮮放落個鍋，跟其他嘢食都昇華咗20%！
整體黎講，巴打火鍋係一個好值得推介嘅地方。食材新鮮，質量唔錯，而且湯底真係好出色！其他配菜都相當唔錯，例如肥牛、雲吞，小食如椒鹽豆腐都炸得好香脆，服務亦都好好，環境舒適。下次再去元朗一定會再帶frd嚟呢度食！
Post
