Video
Read full review
2020-11-06
193 views
放工後去左元朗同Friend打邊爐，本身諗住叫雞煲，點知見到呢度有胡椒豬肚雞窩，就二話不說揀咗呢個湯底😛餐廳行懷舊香港風格，打正旗號係一間冰室，不過有得打邊爐😆除咗打邊爐仲有好多小菜，唔知隔離枱係咪食鹹魚雞粒煲勁香！！Menu上的選擇超級多，13種火鍋湯底，5種雞煲味道，任君選擇。你諗到嘅配料呢度都有。餐廳可以俾我哋揀半份雞，好多配料都可以選擇要半分，即使兩個人黎食都唔驚份量太多。胡椒豬肚雞鍋 $138 半隻，上菜嗰陣已經聞到好香胡椒味。職員好貼心，提我地滾左之後可以飲碗湯先，個湯果然係好正！胡椒味夠重，唔算太鹹，調味適中😋雞件數量都好多，兩個人食極都仲有。豬肚都洗得幾乾淨。雞脾肉相當嫩滑！另外，仲有好多酸菜同埋支竹，兩個人食，份量相當足夠，食完呢一鍋都差唔多飽咗一半🤣打邊爐點可以唔叫牛，我哋揀咗最貴嗰款，一於要食就食最好！💯極品安格斯牛頸脊（小）$198 🐮牛肉色水同脂肪紋路都相當靚，細份都好大碟！牛肉食落口勁嫩，好腍，完全冇筋，勁重牛味🐮真係食幾多塊都唔會厭！呢個真心推薦😍👍🏻💯芝士手打牛肉丸$28 半份呢個都好好食😋牛肉丸中間有芝士，熟咗之後半溶嘅狀態，好似流心咁，鹹香味好出！蟹
餐廳行懷舊香港風格，打正旗號係一間冰室，不過有得打邊爐😆除咗打邊爐仲有好多小菜，唔知隔離枱係咪食鹹魚雞粒煲勁香！！
Menu上的選擇超級多，13種火鍋湯底，5種雞煲味道，任君選擇。你諗到嘅配料呢度都有。
餐廳可以俾我哋揀半份雞，好多配料都可以選擇要半分，即使兩個人黎食都唔驚份量太多。
胡椒豬肚雞鍋 $138 半隻，上菜嗰陣已經聞到好香胡椒味。職員好貼心，提我地滾左之後可以飲碗湯先，個湯果然係好正！胡椒味夠重，唔算太鹹，調味適中😋雞件數量都好多，兩個人食極都仲有。豬肚都洗得幾乾淨。
雞脾肉相當嫩滑！
另外，仲有好多酸菜同埋支竹，兩個人食，份量相當足夠，食完呢一鍋都差唔多飽咗一半🤣
打邊爐點可以唔叫牛，我哋揀咗最貴嗰款，一於要食就食最好！
💯極品安格斯牛頸脊（小）$198 🐮
牛肉色水同脂肪紋路都相當靚，細份都好大碟！牛肉食落口勁嫩，好腍，完全冇筋，勁重牛味🐮
真係食幾多塊都唔會厭！呢個真心推薦😍👍🏻💯
芝士手打牛肉丸$28 半份
呢個都好好食😋牛肉丸中間有芝士，熟咗之後半溶嘅狀態，好似流心咁，鹹香味好出！
蟹籽墨魚手打滑$68
勁大碟，我哋兩個人都食唔晒，應該有三至四人份量！好爽口彈牙，蟹籽好多，一粒粒好爽口。
😆老闆水果茶🍹
食到熱辣辣，梗係要叫番杯凍飲，見到隔離枱叫咗，仲諗住水果茶冇咩特別，原來係巨型水果茶😂😂 1 L😆超大杯啊，大杯到好震撼😂兩個人share好爽🤪
總括來講，呢度打邊爐好抵，埋單每人都係二百零蚊，性價比極高。份量又多，質素都好好，最緊要坐得舒服環境裝修都唔錯，又有冷氣嘆！食到好滿足☺️☺️👍🏻
Post
