簡.聚

Open Now

Now Closed

今日假期，去咗元朗行下。行到朗屏站附近的安寧路，見到一間新開張嘅餐廳，見到裝修好靚，決定入去食下。入到餐廳，餐廳內部裝修簡潔，裡面好多花嘅擺設，環境舒適。我叫咗一個$108 嘅鰻魚配吉列炸蝦鰻魚汁義大利飯套餐，配南瓜湯同黑糖餐包。媽咪就叫咗$118嘅香煎盲鏪魚柳配日式柚子汁餐，配田園沙律同黑糖餐包。套餐包埋餐飲，但由於我地想試下d 特色飲品，所以就加咗$12叫咗杯熱Cappuccino 同$22 凍鮮果茶。飲品賣相果然很有特色,Cappuccino面有兩朵食用鮮花，水果茶顏色亮麗,果肉新鮮多汁，增添食欲。老闆好細心、招呼殷勤，送餐湯嘅時候都會問洗唔洗落胡椒，亦會問下顧客對食物嘅意見。而且服務好周到，會主動幫顧客換碟。餐廳食物味道洽到好處，食物配搭和伴碟有心思，食物份量非常飽肚。難怪餐廳吸引咗好多客人黎食，食到咁上下都有客人等位了。