天龍咖喱

Open Now

Now Closed

星期日放假補完眠就出去元朗陪姑媽買野兼醫肚，去左合益街市附近兜下睇下有咩好食，見到Tiffany blue既天龍咖哩就去試下都幾多人。叫左兩個主食、兩個小食同兩杯野飲🐮金牌牛魔王咖哩牛大四囍飯 (附油酥餅兩塊) $114真心好大碟，除左牛腩仲要皮、牛筋、牛肉、牛舌，當然唔少得薯仔。咖哩好香椰汁味，唔算太辣、牛筋炆到好腍好黏口，係我喜歡既口感。牛腩大舊厚肉、塊皮可以話係精華所在，保持到QQ口感都唔會韌。咖哩飯好少會見到有牛肉，口感爽滑。牛舌超大塊，有我半個手掌咁大塊，非常入味軟爛口感。咖哩汁除左撈飯外，仲可以蘸油酥餅，大滿足。🐑生煎香草羊架飯$98一上枱就聞到香噴噴既羊肉味，食落口一d都唔騷，火喉剛剛好，直接揸住黎食正過用刀叉。🐥天龍雞皮卷$42雞皮脆卜卜，包住既雞脾肉鮮嫰多汁，蘸埋泰式甜辣醬，別有一番風味，呢款個人覺得幾有驚喜。🦑唐揚魷魚鬚$48份量都唔少，食落十分香口，有埋沙律醬。🥥椰子冰香濃既椰子味，唔會太甜，幾鍾意。🍋‍🟩凍青檸柑桔蜜食左咁多熱氣野，飲呢杯濯下喉就啱晒。