Couple's Kitchen (Closed)

餐廳內裡裝潢以古典綠為主調，帶點復古韻味，非常有格調，座位亦坐得舒適。店內亦有一面鏡牆，好適合打卡，可惜今次坐唔到果邊。店員態度超好，食到最尾果陣，有一台客人生日，全餐廳播左3款英文生日歌，原來系果小妹妹生日，店員仲會主動幫客人影相。 ⦁香煎鵝肝牛肉漢堡 $208本身set dinner就$188，但被鵝肝吸引就加多$20嗌左尼個餐。牛肉漢堡肉眼睇已經好厚，加上芝士同煙肉味道咸香咸香，配埋鵝肝既油香，層次超級豐富。而薯條無論熱辣辣定放耐左，仲keep到脆卜卜。 餐湯就系南瓜湯，味道都幾濃，仲會飲到南瓜蓉，都幾足料。而甜品就系馬卡龍，再加卷蛋，味道唔差，但可以再整得精緻D。 ⦁蒜蓉炒長柄西蘭花 $58⦁炒菠菜 $38食左個咁heavy 既漢堡梗係食番d菜中和下！個人比較喜歡長柄西蘭花的爽脆，而菠菜就普通左少少。 ⦁熱情果梳打 $32熱情果得甜味配上超多氣的梳打，完全無得輸。 下次tea time時間再黎，試下佢地招牌的tea for two先，睇到人地打卡勁靚勁吸引。