夏捌月 (Closed)

元朗不嬲都多野食，林林種種咩類型都有，諗食咩真係會好難諗，結果都係行到邊食到邊啦，結果見到間樸素風既西餐廳(夏捌月)，整間餐都以簡單白色為主，舒服又整潔既感覺。😊👍🏼晚餐餐牌內既菜式都算多(有28種)，諗左陣，我地點選左：「B5.美國雞扒併鮑魚$98均送餐湯、法包、熱飲(凍飲+$2)」、「B7.忌廉汁平目魚扒併元貝$138均送餐湯、法包、熱飲(凍飲+$2)」，最驚喜既係餐廳係無收加一服務費！🐔🐟🍟🍞🍴🍹「餐湯、法包」是日餐湯有紅湯同白湯兩種，紅湯係羅宋湯，白湯係「蘑菇雞肉湯」。我地都叫左白湯，而湯碗都印上微笑符號，煥心微笑，湯內好多蘑菇粒同雞粒，食落好有口感，好香濃既忌廉湯。另外配上法包，法包再沾上忌廉湯食，口感好豐富。🍲🍞「B5.美國雞扒併鮑魚」配上黑椒汁，薯菜，有西蘭花及蕃茄作伴碟。雞扒有2件，煎得外皮香口肉質唔會太乾身太靭，唔會太油膩。原隻鮑魚肉質十分細嫩，完全都唔會靭，配上綠色的鮑魚肝醬，食落好有味道有所提升。最欣賞就係薯菜，原來薯菜係用上薯格(有3件)，食落好似麥記既薯餅，食完都想再食。🐔🍟「B7.忌廉汁平目魚扒併元貝」配上白汁，意粉。整個賣相都好吸引，有西蘭花及蕃茄作伴碟。