隨

Open Now

Now Closed

隨呢間位於朗屏站附近既cafe，位置好似好隱蔽，但其實一落天橋就搵到。星期六中午黎到唔太多人，可以舒舒服服食個lunch。香草燒羊扒黑松露意大利飯羊扒可以揀唔同熟度，我就揀左全熟，但食落口感唔韌，仲保留到肉既質感；羊架配埋香草既味道唔錯，唔會覺得有臊味。意大利飯既黑松露味唔算好勁，反而佢既奶香味同菇味會突出啲；飯量都幾大份，但佢撈埋啲忌廉汁，食食下都食左好多。大啡菇賓尼迪蛋配荷蘭汁、芝麻醬沙律芝麻醬沙律都幾新鮮，食落爽口；賓尼迪蛋中間切開係流心家，配埋大大隻大啡菇一齊食，幾健康。底有一塊白面包，都烘得好脆，整體食落口感豐富。凍泡沫奶茶見佢綠綠地飲落似加左綠茶粉既泡沫奶茶，飲落幾清新，唔算好甜。隨時有驚喜特飲上黎係一杯熱既碟豆花茶，仲另外配左shot青檸汁加埋一齊飲。倒青檸沖落去時碟豆花茶就會由藍色變做粉紅色，幾得意，飲落清新。