逸之燒 (Closed)

好鍾意去元朗搵嘢食當區食肆林立今晚就搵咗一間日本居酒屋雖然地方唔算大但是整潔，朋友點咗刺身有海膽、鱆紅魚生、活赤貝、魚生沙律、仲有和牛牛肉粒串燒、墨魚鬚串燒、油甘魚較及蟹粥等等食物；先講海膽好軟滑味道濃郁真係齒頰留香，我的朋友想食魚生但我都怕會厚切在旁的料理師傅聽到我哋的對話主動同我哋講可以再切薄啲果然好薄刀鋒技術好了得！再加上配柚子醋蘸汁對於我朋友唔食Wasabi來說正正啱佢心意👍鮮赤貝爽口鮮味，和風沙律目測分別有三文魚、劍魚腩、鱆紅魚夠凍好fresh !正！係時候食返啲熟食喇好欣賞油甘魚較燒得好香魚肉不過火魚皮脆口！食了肉質腍香的和牛及脆口的墨魚鬚還未覺飽即刻諗起鮮甜的蟹粥果然沒有失望，新鮮的蟹肉令整鍋的粥提鮮👍今晚相當滿意的一餐！