Video
Read full review
2014-02-03
3052 views
夜麻麻專登係上水渣車入元朗食「泥」… 11點3去到Sense Dessert Café, 呢個位其實都幾難搵吓..去到仲有好鬼多人, 攞飛仔等位.. 一等就等咗半個鐘..11點9左右先入到去坐低～之前睇《千奇百趣》知道呢到有花盆甜品，咁當然叫一個嚟試試！花盆甜品 / ($45) : 見到Openrice呢到嘅人影相以為好大杯，點知原來都幾細杯吓.. 但勝在像真道夠高！ 上面有塊Mint Leaf，之後D「泥」係朱古力脆脆，入面係正常Tiramisu味道。其實呢$45只係買一個Gimmick同埋影相機會, 味道其實好一般, 同你係街邊買十幾蚊嘅Tiramisu亦一樣味道。楊枝甘露 ($38): 男友只係鍾意食中式甜品, 所以好堅持要order楊枝甘露。楊枝甘露上面有個雪糕球，入面有舊好酸嘅芒果搭楊枝甘露，不點也罷… 灰白心太軟 ($75): 估唔到呢到都有分子雪糕食, 所謂灰白即係芝麻+Vanilla嘅雪糕，但就transform咗做硬嘅朱古力，中間有個綠茶心太軟。由於係雪糕經過低溫處理，上嚟嗰時就已經有好多煙～服務員都再三提醒大家要連心太軟食，如果唔係會凍傷。我覺得中間個綠茶心太軟，
11點3去到Sense Dessert Café, 呢個位其實都幾難搵吓..
去到仲有好鬼多人, 攞飛仔等位.. 一等就等咗半個鐘..
11點9左右先入到去坐低～之前睇《千奇百趣》知道呢到有花盆甜品，咁當然叫一個嚟試試！
花盆甜品 [原味 Tiramisu] / ($45) : 見到Openrice呢到嘅人影相以為好大杯，點知原來都幾細杯吓.. 但勝在像真道夠高！ 上面有塊Mint Leaf，之後D「泥」係朱古力脆脆，入面係正常Tiramisu味道。其實呢$45只係買一個Gimmick同埋影相機會, 味道其實好一般, 同你係街邊買十幾蚊嘅Tiramisu亦一樣味道。
楊枝甘露 ($38): 男友只係鍾意食中式甜品, 所以好堅持要order楊枝甘露。楊枝甘露上面有個雪糕球，入面有舊好酸嘅芒果搭楊枝甘露，不點也罷…
灰白心太軟 ($75): 估唔到呢到都有分子雪糕食, 所謂灰白即係芝麻+Vanilla嘅雪糕，但就transform咗做硬嘅朱古力，中間有個綠茶心太軟。由於係雪糕經過低溫處理，上嚟嗰時就已經有好多煙～服務員都再三提醒大家要連心太軟食，如果唔係會凍傷。我覺得中間個綠茶心太軟，綠茶味太濃，有點甘苦，連埋雪糕一齊食會易D入口。由於都幾大碟吓，建議4個朋友一齊開心Share!
**朋友Order的 - 煙燻木糠布甸**: 一上碟擺設都幾精美，服務員同我哋講3分鐘後可以開咗個glass cup.. 一打開真係有一陣煙飄出嚟～但食落個木糠布甸就好似有陣燒元寶蠟燭嘅味道.. 你都咪話唔驚！(我哋唔知係咪焗得太耐= __ =”)
嚟呢到食真係食gimmick嘢，你問我係唔係好好食，我可以答你唔係，值唔值咁貴，見人見智，呢到明顯貴過出面食嘅甜品。如果未嚟過嘅Openrice朋友仔, 可以嚟吓, 影吓相都OK吧！
Other Info. :
[我最終都係佢哋Instagram問嗰d係乜煙嚟, Sense回覆係：檸檬木燒出嚟嘅煙]
(The above review is the personal opinion of a user which does not represent OpenRice's point of view.)
Post
