元札幌拉麵 (宇晴軒商場) (Closed)

有D想食拉麵,食左D餐單,見到有餐既優惠,感覺上比平時就咁叫一碗拉麵抵,就黎左啦!個海鮮拉麵有一隻大大隻既蝦,麵條幼身彈牙,吸晒濃湯既味道,仲有唔少配籵,拉麵既湯底都係濃濃既蝦味。叫左冷豆腐,呢個好正,淡淡既豆腐有木魚花既香,點汁食真係正!另外叫左D串物,有好幾款,雞翼加晒檸檬汁,帶出左肉味又唔膩,都燒得好惹味。最後加左枝CREAM SODA,係樽上,好懷舊。呢度好多叮噹既FIGURES,好中意,店主應該係叮噹迷。