元祖沾麵專門店

Open Now

Now Closed

今日同朋友行街，行到肚餓時，行過去厚福街搵食，見到這間沾麵店，朋友好想食，於是便入去了，店內裝修都好有日式麵店感覺，座位有卡位同面向牆位置，亦有個人位置，空間都算闊落舒適，而麵店嘅麵款款式多，有不同配搭，可在點餐紙選擇，今日就點了豚肉魚介沾麵，沾麵既湯底係用石頭鍋盛住，上枱時候會好熱陣陣香濃嘅魚介香味撲鼻，配上凍身嘅麵底，所以將個麵放在石頭鍋沉一陣，個麵食落先會熱，而且個麵沾滿了個湯底，夾埋個魚介湯食就覺得味道十分濃郁，而跟麵嘅豚肉而經火炙，入口都十分肥美，沉在魚介湯中入口，味道一樣配合，如果喜歡濃味嘅朋友都可以試吓呢款口味！