喜來稀肉 (Closed)

呢間燒肉係我印象中應該都算係香港比較元祖級出現嘅燒肉舖。想當初我係覺得好貴唔捨得食，轉眼過左咁耐開左咁多間燒肉店，發現原來呢間都唔算真係貴，價錢都係合理嘅範圍。間舖嘅裝修勁有氣氛，好似處身於冬天但揾到個好暖嘅地方可以盡情食野咁枱面已經準備好小菜同埋爐邊蛋。個泡菜好惹味不過都幾辣！爐邊蛋有2款，純蛋同埋泡菜款。燒肉點可以唔食牛舌！佢嘅牛舌勁大盤好抵食。醃得好入味，燒完之後就咁食已經好夠味，點少少鹽提升多少少牛嘅香味！肉質好薄薄一片好爽口，忍唔住食完一塊又一塊見咁多人推薦就叫多個喜來烤肉黎試下。雖然冇牛舌咁多但份量都唔少，牛肉油脂分布幾平均，唔肥膩，牛肉幾香，食得出係新鮮嘅肉！蟹籽紫菜飯團，簡簡單單就係好食紫菜配飯本身已經係冇得輸嘅，加埋蟹籽多左口感上嘅昇華就更加係不得了，$50勁抵食呀！另外再叫左個大醬湯黎解下膩，一開始以為佢會有飯配但原來係冇嘅。