喜來稀肉 (瓊華中心) (Closed)

Duck哥🦆好耐無同Duck嫂🦆去食韓燒，今晚就一於去食下😊。Duck嫂🦆聽同事講話位於瓊華中心嘅喜來稀肉好唔錯，就等我試試先😆。餐廳座位闊落，唔會坐得好逼🥰，出面仲有個自助區，有泡菜、荳芽、酸蘿蔔、葱絲，仲有生菜，都係任拎㗎☺️。前菜好醒胃，鍾意就咁食又得，連肉🥩連生菜🥬食又得😍。火爐兩邊放咗雞蛋🍳，一邊有芝士🧀，另一邊就冇加，幾貼心❤️；中間鐵板有個位置放了生蒜🧄，啱哂鍾意食蒜嘅Duck哥🥰。喜來烤肉 $158餐廳推薦菜式，牛肉🐂卷成玫瑰花🌷形狀上枱，真係未食已經可以先打卡📸，牛肉🐂有醬油醃製過，但唔會搶走本身濃郁嘅牛肉味🥰。個人鍾意用生菜🥬包住，再加少少海鹽🧂，蒜粒🧄，泡菜一齊食，零舍惹味😋。牛五花 $158🐂份量唔少，油脂較多，但入口嫩滑，肥而不膩，連埋生菜🥬一齊食，口感更佳🥰。韓豚五花肉 $180食韓燒當然唔少得叫豚肉五花🐖，五花腩脂肪和肉成五五之比🤗，但脂肪味道爽口香甜而不油膩🥰。 燒好後帶點微焦嘅香味再配埋清爽嘅肉質，一試上癮😋。總括而言，餐廳環境夠大，坐得好舒服，最重要係油煙一啲都唔大，抽氣做得好好，係值得一試嘅元祖韓式燒烤店。