Video
Read full review
2010-11-10
24 views
5-11-2010終於可以收工去「下場」, 不過佢哋又轉地方到山長水遠兼「搵食艱難」的西灣河, 是日喺度食碗拉麵吧, 雖然多年前對中環店印象麻麻 (http://www.openrice.com/restaurant/commentdetail.htm?commentid=101417).味噌拉麵: 叫得「札幌」, 當然叫再試味噌湯底, 不過估唔到呢度的繼續唔係「濃郁」, 只係極鹹, 飲完又好口渴, 叫味「精」湯底比較貼切 麵條係「公仔麵」形的「波浪」狀, 食落幾煙韌, 不過都幾鹼水; 叉燒質地軟熟, 調味 (醬油?) 亦不錯, 呢個反而幾好食; 其他配料就有大量粟米, 昆布, 筍乾, 蔥花 etc, 其中對筍乾印象特別深刻, 因為帶苦澀味及好臭 好在另加的半熟蛋溏心又入味, 味道帶甜, 醬油香及酒香, 整體都未至於一無是處的.朋友食「豉油拉麵」, 試了少少湯底覺得又係一味鹹, 唔係真係「豉油」(cf. 醬油, 昆布, 魚乾 etc...) 呀嘛!? 燒牛舌: 薄切, 食落唔韌仍亦唔係爽口, 味道就被勁多的鹽及黑胡椒完全蓋過, 鹹到「乸」喉喎. 食物令人沮喪, 每人好肉
5-11-2010
終於可以收工去「下場」, 不過佢哋又轉地方到山長水遠兼「搵食艱難」的西灣河, 是日喺度食碗拉麵吧, 雖然多年前對中環店印象麻麻 (http://www.openrice.com/restaurant/commentdetail.htm?commentid=101417).
味噌拉麵: 叫得「札幌」, 當然叫再試味噌湯底, 不過估唔到呢度的繼續唔係「濃郁」, 只係極鹹, 飲完又好口渴, 叫味「精」湯底比較貼切 麵條係「公仔麵」形的「波浪」狀, 食落幾煙韌, 不過都幾鹼水; 叉燒質地軟熟, 調味 (醬油?) 亦不錯, 呢個反而幾好食; 其他配料就有大量粟米, 昆布, 筍乾, 蔥花 etc, 其中對筍乾印象特別深刻, 因為帶苦澀味及好臭 好在另加的半熟蛋溏心又入味, 味道帶甜, 醬油香及酒香, 整體都未至於一無是處的.
朋友食「豉油拉麵」, 試了少少湯底覺得又係一味鹹, 唔係真係「豉油」(cf. 醬油, 昆布, 魚乾 etc...) 呀嘛!?
燒牛舌: 薄切, 食落唔韌仍亦唔係爽口, 味道就被勁多的鹽及黑胡椒完全蓋過, 鹹到「乸」喉喎.
食物令人沮喪, 每人好肉赤地丟低 $100 離開, 估唔到佢的拉麵湯底咁耐以來無進步過, 而家仲要賣埋刺身壽司之類, 唔會再來喇, 早抖!
Post
