Video
Read full review
2022-10-04
1107 views
元朗近期開多咗好多主打Omakase嘅壽司小店，以元組級來講就有「壽司之神」，屹立元朗已經有九年多。餐廳上年裝修過，好想去幫襯，咁啱朋友將會移民，所以趁機會請佢食返餐好嘅日本菜。餐廳門面低調，感覺似一間隱世小店。店內裝修清雅，用上淺色木材嘅傳統Omakase吧枱，座位之間間隔寬躺，絕對冇侷促嘅感覺。餐廳有三款set lunch可供選擇，今次揀咗中間價錢嘅「特上」。而我最欣賞壽司師傅細心地為我哋介紹每一道菜，令我對日本菜加深咗認識。前菜：和風沙律沙律菜夠新鮮，點上胡麻醬已經好好味。水雲藻物酸酸甜甜，加上水雲嘅鮮味，十分開胃。黑松露茶碗蒸黑松露味道濃郁，蒸蛋夠幼滑刺身4品的：凹貝海螺味道鮮甜，貝嘅口感夠爽口松葉蟹肉北海道松葉蟹嘅蟹肉夠生鮮，還帶一點點海水味北海道仙鳳子珍寶蠔生蠔十分肥美，點上用柚子醋、橙和檸檬製成嘅自家製醬汁，把蠔嘅鮮味昇華。深海池魚師傅用火微微燒過，把池魚嘅魚油逼出來，加上紫蘇花一齊食，味道鮮美豐富。壽司8貫：北海道帆立貝加上岩鹽，日本青柚皮（夏天先至有)，味道清新，絕對唔使點Wasabi、豉油。富山灣白蝦晶瑩通透嘅小白蝦，灑上竹炭葉，味道鮮甜，口感特別北海道靖魚鋪上了薄
餐廳上年裝修過，好想去幫襯，咁啱朋友將會移民，所以趁機會請佢食返餐好嘅日本菜。
餐廳門面低調，感覺似一間隱世小店。店內裝修清雅，用上淺色木材嘅傳統Omakase吧枱，座位之間間隔寬躺，絕對冇侷促嘅感覺。餐廳有三款set lunch可供選擇，今次揀咗中間價錢嘅「特上」。
而我最欣賞壽司師傅細心地為我哋介紹每一道菜，令我對日本菜加深咗認識。
前菜：
和風沙律
沙律菜夠新鮮，點上胡麻醬已經好好味。
水雲藻物
酸酸甜甜，加上水雲嘅鮮味，十分開胃。
黑松露茶碗蒸
黑松露味道濃郁，蒸蛋夠幼滑
刺身4品的：
凹貝海螺
味道鮮甜，貝嘅口感夠爽口
松葉蟹肉
北海道松葉蟹嘅蟹肉夠生鮮，還帶一點點海水味
北海道仙鳳子珍寶蠔
生蠔十分肥美，點上用柚子醋、橙和檸檬製成嘅自家製醬汁，把蠔嘅鮮味昇華。
深海池魚
師傅用火微微燒過，把池魚嘅魚油逼出來，加上紫蘇花一齊食，味道鮮美豐富。
壽司8貫：
北海道帆立貝
加上岩鹽，日本青柚皮（夏天先至有)，味道清新，絕對唔使點Wasabi、豉油。
富山灣白蝦
晶瑩通透嘅小白蝦，灑上竹炭葉，味道鮮甜，口感特別
北海道靖魚
鋪上了薄薄一層白板昆布，加上幾朵紫蘇花，原來可以令魚肉食落滑啲和鮮味都有所提升。
甜蝦
最初以為係好普通嘅甜蝦，但原來做法一啲都唔簡單。外層沾上橙色嘅蝦頭醬係用上過百個甜蝦頭熬製而成，所以蝦味超濃郁。
吞拿魚赤身
用上醬油漬做法，灑上一點七色芝麻，魚香味濃郁。
中拖羅
厚切嘅中拖羅，因為一啲筋都冇，食落有入口即溶嘅感覺。
大拖羅
望落油脂十分均勻，原來係用上最滑溜嘅坨腹部位置，配上京䓤一齊食，味道原來超夾。
右口魚
用上比左口魚矜貴得多嘅右口魚，再用火燒逼出魚油，鍾意魚油味嘅我，真係啱晒。
雲丹盛：
用上北海道（一）水產出品嘅海膽，質量絕對有保證，魚子超大粒，師傅話用了秘製醬汁醃製，所以完全沒有腥味，或帶點清甜嘅酒香味。還灑上了金箔，外觀和味道都一流，今餐真係超滿足。
Post
