雄館特式小廚 (Closed)

呢間餐廳由蜑家三兄弟承傳水上住家菜，咁有heart，當然要支持下。金沙炸魚皮魚皮香脆不油膩，附著呈流沙狀態嘅鹹蛋黃醬，鹹香味濃郁，唔怪得差不多每枱都有叫呢款小食！冰鎮鮑魚鮑魚口感爽滑彈牙，size有半隻手掌咁大，冰鎮成為冷盤可以消暑，食落醒神又開胃，點上Wasabi豉油，增添了日式嘅風味。蠔仔雞蛋仔雞蛋仔嘅餡料，而家越來越多款式，但係多數都係甜嘅，呢間餐廳竟然研發到加入蠔仔，怕少少腥，就可以點魚露同Wasabi。比起平時嘅蠔餅會冇咁油膩，而且每粒雞蛋仔都有蠔仔，冇揾笨。豉油王細花竹蝦 每隻蝦蝦味濃，又鮮甜，食到少少蝦膏。用腸粉墊底，掛鼓油汁力強。我覺得唔想食麵/飯，叫呢款做主菜都可以。煎咸鮮馬友口感似食緊香煎小黃魚，但魚皮更脆卜卜，魚肉的鮮味更突出帶有鹹香的味道，不算多骨，又大條，所以好多肉食。荔枝茶香煙燻雞一上枱已經散發着濃烈嘅荔枝茶煙燻香味，食落有驚喜，雞肉紮實嫩滑又juicy，雞皮脆卜卜，有豐富的層次。