岩浪天扶良日本料理

Open Now

Now Closed

今次去咗銅鑼灣食呢間廚師發辦，我係第一次食天婦羅加壽司嘅廚師發辦，呢一個係天壽套餐！睇落唔似好多，有七款天婦羅同七款壽司，但係食晒成個餐真係好飽，而且好滿足！食咗個前菜之後就會有七款天婦羅，當然，因為係廚師發辦，每次嚟都應該會有唔同！今次我就食咗天婦羅蝦，天婦羅瀨尿蝦，瀨尿蝦就有好多膏，都幾特別！我自己特別鍾意食紫蘇葉海膽天婦羅同埋紫蘇葉秋刀魚卷天婦羅！真係估唔到天婦羅同呢兩樣食材好夾！天婦羅渣到外面酥脆，海膽入邊好滑！而秋刀魚就好肥美！另外仲有山梨縣柿天婦羅，都幾特別！七件壽司各有不同，都係有深海深魚、深魚、帆立貝、甜蝦、拖羅、鰆魚！我自己最鍾意食佢哋嘅吞拿魚蓉手卷，真係好有驚喜，入邊有炸洋蔥吊起個味超特別！是日嘅熱湯係舞茸湯，食完晒清一清唔錯！水果有富有柿同水梨，清甜！