Video
Read full review
2022-08-27
570 views
.【深水埗】丸京 — 清湯黑蒜油極上拉麵.自從深水埗實行舊區重建後，多咗好多文青cafe進駐，吸引咗唔少年青人去chill下。不過，今次Ball就去左一間日式拉麵店搵食，回憶一下家鄉嘅味道。.今次去左位於荔枝角道嘅麵屋丸京，就喺正康瑞隔離。週末2點去到都要等30分鐘，可想而知呢間拉麵店有幾受歡迎。拉麵店以約簡日本風為主調，門面一切從簡，採用水泥牆做背景，襯托住黑色「麵屋丸京」logo。之後，店舖內亦都以灰色為主，牆身用水泥牆為主，其中一面牆就加咗充滿日式風情嘅壁畫上去，別具特色。為咗營造日式拉麵店嘅氣氛，拉麵店以木製家具配上開放式廚房，令人覺得置身日本一樣。.落單方式都同日式拉麵店大致相同，都係首先揀食邊款麵，要咩湯底，之後再揀洗唔加配料、小食同飲品。今次Ball道試咗清湯黑蒜油極上拉麵。極上拉麵主要食材有6塊叉燒、蛋同筍。雖然聽落食材好似比較少，但Ball食完之後都夠飽。黑蒜油香濃，蒜香撲鼻，但食完之後亦唔係成口蒜味，再加上彈牙拉麵，每啖都令人食到日本嘅味道。不過，略嫌叉燒嘅豚肉味比較淡，如果再濃味少少就好啲，但整體成碗拉麵都好好食，排半個鐘都值得嘅。.拉麵店除左有叉燒之外，仲有一款
【深水埗】丸京 — 清湯黑蒜油極上拉麵
.
自從深水埗實行舊區重建後，多咗好多文青cafe進駐，吸引咗唔少年青人去chill下。不過，今次Ball就去左一間日式拉麵店搵食，回憶一下家鄉嘅味道。
.
今次去左位於荔枝角道嘅麵屋丸京，就喺正康瑞隔離。週末2點去到都要等30分鐘，可想而知呢間拉麵店有幾受歡迎。拉麵店以約簡日本風為主調，門面一切從簡，採用水泥牆做背景，襯托住黑色「麵屋丸京」logo。之後，店舖內亦都以灰色為主，牆身用水泥牆為主，其中一面牆就加咗充滿日式風情嘅壁畫上去，別具特色。為咗營造日式拉麵店嘅氣氛，拉麵店以木製家具配上開放式廚房，令人覺得置身日本一樣。
.
落單方式都同日式拉麵店大致相同，都係首先揀食邊款麵，要咩湯底，之後再揀洗唔加配料、小食同飲品。今次Ball道試咗清湯黑蒜油極上拉麵。極上拉麵主要食材有6塊叉燒、蛋同筍。雖然聽落食材好似比較少，但Ball食完之後都夠飽。黑蒜油香濃，蒜香撲鼻，但食完之後亦唔係成口蒜味，再加上彈牙拉麵，每啖都令人食到日本嘅味道。不過，略嫌叉燒嘅豚肉味比較淡，如果再濃味少少就好啲，但整體成碗拉麵都好好食，排半個鐘都值得嘅。
.
拉麵店除左有叉燒之外，仲有一款真・叉燒，大家可以試吓有咩分別。另外，值得一讚嘅係每枱都會擺一壺冰水俾客人，同日本嘅拉麵店一樣，跟足日本傳統文化。
清湯黑蒜油極上拉麵
26 views
0 likes
0 comments
Post
