麵屋丸京

Open Now

Now Closed

假期，囡囡話想去京丸睇吓有無位食碗拉麵 ! 可能已過繁忙時間，終於唔使等太耐有麵食😊濃湯丸京拉麵日式叉燒大大片😘舖滿碗邊！湯底濃郁！打卡一流👍清湯豚骨拉麵流心蛋非常之正👍

深水埗荔枝角道嗰位所謂經理小姐態度極差，約左人黎食要專登分開人入座，等果碗所謂既100蚊既麵要等成半個鐘先有得食 叫多碗問三問四 又話要等到個人先可以落單 極之唔愉快一次堂食！

經開深水埗唔知食乜，即時上網睇吓有咩餐廳推介，見到呢間拉麵店評價幾好，仲話好食到排長龍，就即管去試吓。6:30pm左右去到，唔駛等位即刻入得。-蝦湯丸京拉麵：見到呢款麵係3塊叉燒+3塊真叉燒，就點呢款試吓有冇咩分別。普通叉燒就細塊小小，食落鹹d；真叉燒d肉質就嫩d，不過浸咗湯度，其實食落差唔多。蝦湯嘅口感比較厚，杰d，味道都正常，幾好味，又未去到好驚艷。份量好足，食完一碗已經超級飽！豚骨拉麵：試咗啖湯，又係好厚好杰，但就偏油。沙律炸雞：上枱時熱辣辣，即叫即炸👍🏻皮薄都幾脆，有小小7味粉辣味，我覺得比拉麵有驚喜！每日都有不同湯底人均$120，食得夠飽，味道唔錯，可以一試👍🏻

我所謂味道取勝，即係話除咗味道好之外，基本上冇乜好。但係作為食肆，味道好就係最緊要。佢規矩多多，而且不定時營業，完全唔理顧客嘅感受，你要嚟就嚟，唔嚟就罷。佢哋嘅叉燒係幾好味，麵質都係硬度適中，湯底夠味之餘，又有回甘。地方只係一般乾淨，待應態度都普普通通，食物選擇亦冇乜得揀，但係食物整體品質上，算係少有。附近亦冇競爭對手，可謂係獨市生意。其實我已經去過4,5次，但係只有一次食得到，即使係佢講明嘅營業時間，都係隨時唔開門，真係冇計。

這間拉麵店一直人氣高企，在香港有五間分店。今日假期就一早同朋友去排隊試一下。❇️丸京拉麵（清湯）意想不到的美味，湯底清新，是可以飲完的湯底。拉麵是幼麵，很彈牙，而且很掛湯。大大塊叉燒佈滿成碗麵，有真叉燒三塊、慢煮叉燒三塊。肉味都嫰滑，還有油脂香氣！大大碗非常超值！醬油糖心蛋，很有蛋味，味道很好，而且流心。另外，筍很鮮甜，沒有臭味！❇️丸京拉麵（蝦湯）蝦湯真係十分出色！面頭鋪滿櫻花蝦，湯底鮮甜又濃郁。叉燒同麵質都和清湯一樣配置，所以不重覆。

麵屋丸京是一家位於深水埗的日本菜拉麵餐廳，我最近在香港能仁專上學院開會後來到這裡用午餐。進入餐廳後，我立刻被它充滿日本風格的裝潢所吸引，整個氛圍讓人感到舒適且溫馨。餐廳內的點餐系統非常簡單，和日本的拉麵店一樣，讓我能夠輕鬆地選擇想要的菜單。儘管餐廳人潮眾多，但是我們等候大概十分鐘後還是能找到一個舒適的座位。我點了他們家的招牌菜丸京拉麵，這碗湯頭非常豐富濃郁，讓人垂涎欲滴。拉麵本身的口感彈牙，配上鮮嫩的叉燒肉，每一口都充滿著美味。另外，我還點了他們的香蔥沙律炸雞。這道菜給人留下了深刻的印象，雞肉鮮嫩多汁，外層的麵衣炸得酥脆，搭配美味的蛋黃醬，簡直是絕配！而且還有免費的軟飲料供應，為整餐增添了一份愉悅。整體而言，麵屋丸京給我留下了極為深刻的印象。這裡的食物美味可口，服務態度也非常友好。雖然餐廳有些擁擠，但這也證明了它的受歡迎程度。

呢間拉麵店想試好耐，因為佢個真•叉燒拉麵個圖吸引到，於是上星期拉左個朋友黎深水埗分店食。一嚟到門口見到要排隊，就知道呢間嘢一啲都唔簡單，等就唔係好耐，大約15分鐘就安排到入去坐。然後就同朋友叫左兩碗真•叉燒拉麵🍜，朋友嗰碗走蔥同加麵（+$15）（遠啲嗰碗），而我就再加咗3塊普通叉燒（+$15）（近嗰碗），想試下同真•叉燒有咩分別。點知真係冇令我失望，兩款叉燒味道係冇咩分別，純粹大塊同細塊嘅分別（我認為），叉燒偏瘦但唔鞋口同冇渣，唔錯；個麵幾煙韌彈口，軟硬適中；湯底幾濃郁唔太稀，加上個湯底有層油脂，令個湯底幾滑；至於麵上嘅配菜，例如荀同溏心蛋就正正常常🥲。唔知點解每次食拉麵嘅溏心蛋用筷子開半總係有種治愈🤤然後同朋友食個七味炸雞就有點失色🥲🥲🍗，炸粉偏厚，七味粉唔多唔太夠味，要點沙律醬先抵觸到。下次再有機會食的話，轉食佢個香蔥沙律炸雞，可能會畀呢個好食啲😗。總括成餐飯再加一人一罐可樂，$308理單，不過不失，價錢正常合理，叉燒拉麵賣相有特色，可以再返食。

閒日8:00食，難得唔係好使排隊，但同時都好傷心，賣晒濃湯，所以焗住揀其他湯底～.🍴丸京拉麵+背脂湯底 （要+$10)- 因為被迫揀第二隻湯底，先試到原來呢度嘅背脂湯底係咁好食，超有驚喜，又香又滑口- 叉燒有兩款之分，真叉燒口感好嫩滑，好好食- 麵質都好彈牙.🍴丸京拉麵 + 蝦湯（要加$12）- 朋友就叫咗呢個湯底試，櫻花蝦好充足，只係略嫌鹹咗啲啲，但都好香濃- 其餘嘢同上面碗拉麵冇咩分別.見餐廳仲有其他特色湯底，可以留意日子嘗試。.Overall, 覺得丸京拉麵算係香港A級拉麵👍🏻

我黎過2次，一次等左一陣，放棄了，一次，原來例休日。今次辛勞工作宁，想獎勵下自己，就一條冷黎食個麵。本來想食個限定丸京拉麵，但係我又驚食唔到餃子，餃子狂迷嘅我決定食個極上拉麵自，為嘅係食到餃子而又唔會過飽嘛！一黎到係餃子，本來想等，但係真係要等十分鐘左右，真係太肚餓了等唔切了，食左2件，個麵先到。個餃子皮夠薄，其實都似係超巿買到嘅日本餃子，水平不錯。煎得夠脆夠香，肉菜同皮比例很好，食到晒咁多嘢味道，誰也無搶誰嘅味！主角出場，個麵質感係爽硬嘅，啱我口味，湯底我要了濃湯，所以一路飲湯，係好厚實，但不口渴，當然拉麵店做得住肯定無味精，濃得黎唔太咸，總體個叉燒薄左少少，不過掛湯後同夠林入口即溶，都滿足嘅。整體啱我口味，難怪長期排隊。我會再來的。我會再來的。

今日去咗間人氣勁旺既拉麵店，真係行到攞號碼牌就已經開始流口水。坐低之後，點咗份濃厚豬骨湯底拉麵，湯底郁到差點頂到個天花板，既濃郁又唔膩口，係每一啖都品嚐到豬骨既真髓。叉燒嘅話，啖啖肉感，腍到化喺口，再加上啲筍片脆得嚟又唔失多汁，真係啱晒我呢啲愛食之人。撈埋嗰陣薄脆既炸雞皮，加上沙律醬味道更加鮮美難擋🤤。面條部分，我係鍾意啲Q彈牙硬，所以今次食得特別開心。食物之外，仲要提提店員，服務貼心又唔急躁，即管大排長龍，顧客多到爆煲，佢地都係面帶微笑，提供熱情服務。總括來講，今次來呢間拉麵店食飯真係滿足到我，對個豬骨湯底同叉燒真係讚唔絕口，會推介比啲朋友嚟試吓。下次要早啲嚟，希望下次可以搶到個蝦湯底試下新滋味啦！😋🍜👍

📋 Revisit : Yes味道(7.5/10) 環境(7/10) 服務(7/10) 抵食(7/10)****************麵屋丸京的拉麵的外貌和一般的很不一樣，份量看來非常多，另外一個特別之處，是有分真叉燒和一般叉燒。我點的是丸京拉麵，有三大塊真叉燒。真叉燒的確是比較美味，味道較香和軟滑。而和一般叉燒相比，真叉燒味道上也取勝，可是口感我會希望是厚一點，好像平時的叉燒一般。選了濃豬骨湯底，配上的麵條挺香，是高脂和高碳水的組合，哈哈，但美味呢。其餘的蛋和筍，反而是筍令我更深刻印象，因為相當入味。📜🍜🍜丸京拉麵 $100

食物：蝦湯太鹹，真叉燒太肥太鹹食完之後全日都非常頸渴清湯：普通，冇特別，真叉燒太肥太鹹溫泉蛋好食炸雞夠熱夠脆餃子普通冇特別服務：女店員service 差，態度不好，不會再食

今晚同朋友嚟到丸京拉麵食，六點半嚟到已經要排隊排到接近七點先有得食。🍜我叫既係真叉燒拉麵配小蝦乾清湯🦐［💵$108］我琴日冇影相😭所以用返ig以前嘅story，下圖係丸京拉麵，有三塊普通叉燒（左）同三塊真叉燒（右）🐖 ［💵$100］我通常都會去深水埗呢間因為深水埗呢間有蝦湯🦐，但其他分店例如荃灣就冇。我最鍾意嘅湯底係小蝦乾清湯，清得嚟又鮮甜，而且有濃郁嘅蝦油味，豬骨湯同蝦味都可以清晰咁食到，配上掛湯嘅拉麵食係一流。🍲⭐要注意嘅係小蝦乾清湯得星期一同三先有，星期四至六做嘅係濃湯！丸京嘅拉麵質素喺香港係tier one，叉燒有分普通叉燒同真叉燒，真叉燒即係慢煮叉燒🐷咬落爽口唔油膩，中間嘅筋部仍然保持豬肉嘅油香🐖所以如果嚟食丸京一定要食佢嘅真叉燒。雖然真叉燒拉麵價錢有少少貴，但如果你想平平地咁食其實佢普通嘅豚骨湯拉麵都係78蚊。🥢至於配菜方面，唔可以唔提嘅係佢嘅筍好爽口，而且好吸湯，配上湯食落好正。我嚟咗三次，雞蛋都係半熟火喉啱啱好🍳坐吧檯會見到師父親自整呢個拉麵，佢會好大力咁chok個麵，chok走拉麵嘅鹼水味。等待嘅時間會耐少少，但可以見到呢度師傅嘅誠意。⏳真心推薦呢度嘅真叉燒拉麵🍜而且

前幾天我到了麵屋食拉麵，點了炸雞和兩碗鎮店拉麵。炸雞熱騰騰的，味道一流，調味適中，女兒也大讚美味!拉麵湯底不會太鹹，非常好吃!豚肉軟滑，配合拉麵是非常夾，小朋友也可自己吃完一碗!女兒還說可以吃兩碗呢!下次會再試其他湯底同拉麵。適逢店舖3週年，有烏龍茶或汽水贈送，真是很好呢，積分還有雙倍贈送。最後我們加了餃子，有5隻，外皮脆，跟日本吃的真是還原度很高。仲有粟子雪糕想試，不過太飽啦，下次會再來一試，大推!

網上見到呢間拉麵店提供慢煮叉燒, 就過黎試下。 叫左柚子胡椒湯底既丸京拉麵 內含 真叉燒同普通叉燒 /蛋/旬呢度冇得揀麵既粉量同粗幼度上一麵見到其實叉燒唔止6片,份量亦算多。首先試湯底, 胡椒香而不辣,唔鹹亦有柚子香, 非常唔錯。之後分别試左2種唔同既叉燒普通叉燒偏鹹, 覺得似西式火腿；真叉燒如食評所講, 有肉味,不過覺得太薄。麵麥味不足, 如果麵再硬少少會更好。溏心蛋好有蛋味,最驚喜反而係旬, 喺香港拉麵店食到既通常都臭,難得呢間係好食的。湯底：4/5分麵： 3/5分叉燒：3.5/5分