青花 (THE FOREST)

前日去咗 ❥⧽青花 ❥⧽食晚飯, 估唔到平日都咁 full, 好彩有 book 定位。餐廳周圍都有乾花裝飾, 好有秋天嘅感覺。𓊈泰式虎蝦金邊粉 $𝟷𝟹𝟾𓊉賣相好精緻, 2 隻虎蝦好大隻, 金邊粉比較濕身但唔會好淋, 味道偏甜, 裡面仲有好多炒蛋絲, 都幾好味。𓊈炭燒豬頸肉 ✧ 酸辣青醬 $𝟷𝟷𝟾𓊉豬頸肉嘅份量好多呀, 食極都仲有, 真係好誇張。豬頸肉燒得好香, 肉質非常軟腍, 蘸點埋側邊嘅酸辣青醬, 好惹味。𓊈炭燒牛肉串燒沙嗲 $𝟾𝟸𓊉炭燒牛肉好 juicy, 燒得剛剛好, 沙嗲醬比較黏稠, 味道香濃, 我除咗用嚟蘸點牛肉, 仲點埋其他嘢食, 都好好味。𓊈椰汁西米糕 $𝟺𝟾𓊉我覺得凝固咗嘅西米個口感真係好得意, 所以我都幾鐘意食椰汁西米糕, 呢度嘅西米糕唔會太甜, 裡面除咗粟米粒仲有芋頭粒, 都幾好食。𓊈泰象青檸梳打 $𝟹𝟼 ✧ 可樂 $𝟸𝟺𓊉青檸梳打好清新, 用嚟襯泰國嘢食真係好好, 可以解油膩感。