Video
Read full review
2019-06-03
168 views
喺觀塘嘅工廈隱藏咗一個可以食自助餐嘅廚房， 個friend帶路 今晚有機會可以去品嚐。舊式工廈上一層樓梯就到。先行了一個圈， 感受到每一個角落都花盡心思想展示藝術品般嘅餐具，器皿。 看來餐具控，廚具控定必吃得 特別投入，忘我。這裏晚市自助餐正做推廣每位$238， 完全冇心理壓力唔使驚 要食到回本。 這樣一來可慢慢細意品嚐每道菜式和擺設。 每兩位更贈送一客精美海鮮拼盤。有海蝦，青口，大大隻鮮鮑魚，大蜆， 魷魚， 夠曬睇頭， 對我嚟講份量啱啱好。先試佢嘅湯有兩款：雜菜湯和粟米湯。 兩款嘅味道都非常懷舊經典， 粟米湯講緊係快餐店年代嘅經典粟米汁， 有種童年嘅感覺。 蒜蓉包照住燈仲暖仲脆卜卜，正！去冷盤，沙律區望吓， 我哋比較早嚟所有嘢都排得整整齊齊， 齋睇都覺得好治癒～～這款薯仔什果沙律甜甜地， 薯仔軟熟非常美味！青木瓜沙律，夠酸夠辣，面層仲有吞拿魚肉。Cold cut 沙樂美腸, 夠鹹香唔會乾‘爭爭’！芝士區： 個人很喜歡自助餐有這款芝士小食， 藍芝士味道夠濃！ 生果砌得好靚西瓜特別甜美多汁。食物Refill同收碟都非常有效率，抵贊！熱莗区都keep住推出唔同款式美食。豉椒炒蜆夠惹味。一盤
喺觀塘嘅工廈隱藏咗一個可以食自助餐嘅廚房， 個friend帶路 今晚有機會可以去品嚐。
舊式工廈上一層樓梯就到。
先行了一個圈， 感受到每一個角落都花盡心思想展示藝術品般嘅餐具，器皿。 看來餐具控，廚具控定必吃得 特別投入，忘我。
這裏晚市自助餐正做推廣每位$238， 完全冇心理壓力唔使驚 要食到回本。 這樣一來可慢慢細意品嚐每道菜式和擺設。 每兩位更贈送一客精美海鮮拼盤。
有海蝦，青口，大大隻鮮鮑魚，大蜆， 魷魚， 夠曬睇頭， 對我嚟講份量啱啱好。
8 views
0 likes
0 comments
先試佢嘅湯有兩款：雜菜湯和粟米湯。 兩款嘅味道都非常懷舊經典， 粟米湯講緊係快餐店年代嘅經典粟米汁， 有種童年嘅感覺。 蒜蓉包照住燈仲暖仲脆卜卜，正！
去冷盤，沙律區望吓， 我哋比較早嚟所有嘢都排得整整齊齊， 齋睇都覺得好治癒～～
這款薯仔什果沙律甜甜地， 薯仔軟熟非常美味！
青木瓜沙律，夠酸夠辣，面層仲有吞拿魚肉。
Cold cut 沙樂美腸, 夠鹹香唔會乾‘爭爭’！
芝士區： 個人很喜歡自助餐有這款芝士小食， 藍芝士味道夠濃！ 生果砌得好靚西瓜特別甜美多汁。
食物Refill同收碟都非常有效率，抵贊！
熱莗区都keep住推出唔同款式美食。
豉椒炒蜆夠惹味。
一盤盤熱辣辣即炸美食， 蝦春卷，炸糯米釀雞翼， 這款手功菜非常推介，辣辣地 又有特色。
炸雞和魷魚圈都唔錯。
茄汁免治牛肉配白飯， 夠曬經典！
魚餅車厘茄串燒。 一串可以兩人分享， 因有三大塊魚餅。 不過唔似係燒出嚟嘅，烚熟咗再串起。 加返沙爹汁 會似反串燒。
這裏全都是豬類別， 豬肉腸，豬柳，咸豬手和豬仔骨。 大堆頭嘅做法當然唔可以和高級餐廳比較。 不過食落都唔太差， 有香草和大蒜煮製。
這款意粉味道唔錯， 忘記了好像是龍蝦汁海鮮意粉。
菠蘿炒飯夠軟熟，仲有粒粒菠蘿和肉鬆。
三杯雞和奶油津白。
另一邊係牛嘅大集會 ，一牛仔骨牛肉粒和牛舌。 當中比較推介牛舌，夠厚多汁唔會嚡。
飲品方面， 凍饮有荔枝梳打，蜜桃茶和檸檬茶。 可以自家添置鮮檸檬。
熱飲有蝶豆花和菊花 可自己調配沖飲。
沖杯藍色嘅蝶豆花 非常消滯。
甜品區仲有各款台式芋圆， 自行添加桂花蜜或者椰奶，風味獨特。👍👍
仲有爆谷機和棉花糖機， 即做即食特別好玩美味。
留意到佢有大量嘅備用碟， 餐碟餐具仲好乾淨。 果然厲害嘅廚房。
芒果椰奶， 細細杯份量剛剛好。 椰青大菜糕， 好濃嘅椰青味！
柚子蛋糕味道清新。
感覺餐廳主人真係好想有一個超大嘅廚房与衆同乐， 意念唔錯而且食物擺設非常花心思！
Post
