Video
Read full review
2023-08-08
56 views
同事話想食西餐，之前見到呢間餐廳喺OpenRice好多好評，咁就近近地去試吓。餐廳其實就喺灣仔消防局隔離，位置其實都好易搵。上到去2樓，𨋢門一打開已經充滿藝術感。牆壁上有好多幅掛畫。然後我聽到雀仔嘅叫聲。原來喺門口附近有一對愛情鳥，好得意。咁啱我哋遇着有人喺餐廳裏面彈琴，彈得好好聽。耳朵懷孕了！我叫咗一個行政牛扒餐，同事叫咗一個雞肉串炒雜菜餐。行政牛扒餐（$208另加10% 服務費）：個餐湯係98% 蘑菇湯。飲得出係真材實料，好多蘑菇，好香。餐包新鮮出爐，熱辣辣，配埋個湯，正. 仲有個沙律菜，新鮮嘅羅馬生菜好脆口，配住脆麵包乾粒同埋簡單嘅醬汁，好清新。牛扒肉味濃郁，唔會覺得油膩。個餐仲配埋一個熱咖啡同埋奶凍。雞肉串炒雜菜餐（$118+$10再另加10%服務費）：呢個係同事嗌嘅。佢加咗$10，咁就唔使沙律菜或餐湯二揀一，可以同時享有晒兩款。同事話沙律菜好新鮮餐湯係羅宋湯都好足料。個主菜都好足份量，唔會話因為冇澱粉質而肚餓。呢個餐啱晒生酮飲食嘅人。跟餐仲有熱奶茶同焦糖燉蛋。同事話個焦糖燉蛋好正，焦糖做到脆脆嘅效果，入邊係香濃滑溜嘅燉蛋。想輕輕鬆鬆咁食個午飯嘅話，呢度係一個唔錯嘅選擇，係一個
餐廳其實就喺灣仔消防局隔離，位置其實都好易搵。
上到去2樓，𨋢門一打開已經充滿藝術感。牆壁上有好多幅掛畫。然後我聽到雀仔嘅叫聲。原來喺門口附近有一對愛情鳥，好得意。
咁啱我哋遇着有人喺餐廳裏面彈琴，彈得好好聽。耳朵懷孕了！
我叫咗一個行政牛扒餐，同事叫咗一個雞肉串炒雜菜餐。
行政牛扒餐（$208另加10% 服務費）：個餐湯係98% 蘑菇湯。飲得出係真材實料，好多蘑菇，好香。餐包新鮮出爐，熱辣辣，配埋個湯，正. 仲有個沙律菜，新鮮嘅羅馬生菜好脆口，配住脆麵包乾粒同埋簡單嘅醬汁，好清新。牛扒肉味濃郁，唔會覺得油膩。個餐仲配埋一個熱咖啡同埋奶凍。
雞肉串炒雜菜餐（$118+$10再另加10%服務費）：呢個係同事嗌嘅。佢加咗$10，咁就唔使沙律菜或餐湯二揀一，可以同時享有晒兩款。同事話沙律菜好新鮮餐湯係羅宋湯都好足料。個主菜都好足份量，唔會話因為冇澱粉質而肚餓。呢個餐啱晒生酮飲食嘅人。跟餐仲有熱奶茶同焦糖燉蛋。同事話個焦糖燉蛋好正，焦糖做到脆脆嘅效果，入邊係香濃滑溜嘅燉蛋。
想輕輕鬆鬆咁食個午飯嘅話，呢度係一個唔錯嘅選擇，係一個令人放鬆嘅好地方。
Post
