Video
Read full review
2015-05-14
3392 views
今晚公司gathering,一行九人，朋友介紹尖沙咀有間叫“組長”放題好抵食，見到6點入座都係$148，好似好抵咁，加上最近又忙到爆，食餐勁既慰勞下自己，於是book 枱試下。六點半去到無咩人，waitness 姐姐安排一個卡位俾我地，地方唔會好迫， 加上時間尚早，唔算太多人，所以比較寧靜，所以坐得好舒服之後開始點野食，原來要係餐牌上抄啲號碼落張紙到，幾得意咁喎，種類唔算太多，都係叫啲大路野，三文魚，吞拿魚，甜蝦，鮑魚片等等，食物普遍都係好新鮮，好好味，加上擺得好精美！！叫完魚生，叫下其他野，好似有天婦羅，都ok 好食咁，有南瓜，茄子，蝦，仲有香蕉同三文魚，款款點啲，我最鍾意食同香蕉同南瓜天婦羅，當熱辣辣咁食既時候，外脆內軟，加上香蕉的甜味，好特別，如果粉漿少啲會更加好！！！壽司有軍艦，味道都可以，因為覺得會好飽，冇叫太多呢！！！之後係menu 上見到有濃湯豬軟骨大根煮，平時都比較鍾意食啲濃味野，所以order 左一份，份量唔會太多，未食已經聞到好香八角味道，啲蘿蔔忟得好淋，好入味，豬軟骨又煮得好軟身，唔會好老，好好食，值得一試！！！仲有燒蝦，我地比較大食，order 左more 30
六點半去到無咩人，waitness 姐姐安排一個卡位俾我地，地方唔會好迫， 加上時間尚早，唔算太多人，所以比較寧靜，所以坐得好舒服
之後開始點野食，原來要係餐牌上抄啲號碼落張紙到，幾得意咁喎，種類唔算太多，都係叫啲大路野，三文魚，吞
拿魚，甜蝦，鮑魚片等等，食物普遍都係好新鮮，好好味，加上擺得好精美！！
叫完魚生，叫下其他野，好似有天婦羅，都ok 好食咁，有南瓜，茄子，蝦，仲有香蕉同三文魚，款款點啲，我最鍾意食同香蕉同南瓜天婦羅，當熱辣辣咁食既時候，外脆內軟，加上香蕉的甜味，好特別，如果粉漿少啲會更加好！！！
壽司有軍艦，味道都可以，因為覺得會好飽，冇叫太多呢！！！
之後係menu 上見到有濃湯豬軟骨大根煮，平時都比較鍾意食啲濃味野，所以order 左一份，份量唔會太多，未食已經聞到好香八角味道，啲蘿蔔忟得好淋，好入味，豬軟骨又煮得好軟身，唔會好老，好好食，值得一試！！！
仲有燒蝦，我地比較大食，order 左more 30串，haha,因為即燒即食，加上鹽花，味道幾好的，啲蝦肉都係彈牙既；見人有介紹呢間得芝麻波菜好好食，所以就叫左一客試下，真係唔錯，凍食加芝麻醬，當一個涼伴小食吧！！
當我地食到半飽既時候，餐廳老闆走過黎問下我地啲食物好唔好食，有冇咩意見，仲希望我地俾下意見；同老闆傾左一陣，原來佢地會定期作出改善，問下食客意見，希望可以滿足大家需要；我地好似朋友咁交流下意見，俾啲建議佢，佢請我地食試驗當中的產品-和牛壽司！嘩，和牛已經好好食，變成壽司，一啖放入口，塊牛有溶化的感覺，好好食，好幸福呀！！！
老闆見我地咁多人來幫襯佢，佢好好客呀，請我地食只有lunch 先有既“吞拿魚他他”，連佢自己都話好食的東西黎架，佢叫廚師哥哥整啲俾我地試下，賣相好靚，平時食他他係生牛肉，佢就變左吞拿魚，加埋鹹餅亁一齊食，用餅乾既鹹味去提升成個他他的味道，更加好食呢！！
今晚試多好多唔同既野，百幾蚊既放題都可以做得好好，好好食，可以媲美那些比較貴人頭果啲放題既，今晚可以睇到平野都可以食得好好，坐得好舒服，招呼周到的服務呢！！下次我都會再幫襯的：）
Post
