閨•家 (寶榮大廈) (Closed)

六點後做外賣自取。難得係公司附近搵到間幾有住家feel既餐廳。香煎蓮藕餅豬扒飯跟餐加$6有溏心蛋，另加$12有菜心或者生菜選擇，份量都幾多。非常推薦叫蓮藕餅，送飯一流，豬扒好大塊，咬落一啲都唔韌。青欖青蘿蔔杏汁煲豬展跟餐仲會有埋細碗既老火湯，用料十足，每日既精選老火湯都唔一樣，值得一試。手拍青瓜少少辣夠哂惹味，青瓜咬落好爽口。涼拌海蜇手撕雞手撕雞好滑溜，配埋涼拌海蜇，口感十足。凍朱古力味道好濃郁又唔會太甜。