ATUM Restaurant (Closed)

我同朋友都好鍾意打卡，就特登揀咗一間主打藝術元素嘅餐廳，每樣食物嘅賣相都好精緻，食材亦經過精心配搭。餐前麵包有法包同埋合桃包2款，上枱既時候仲有微溫，麵包咬落去鬆脆，可以加少少海鹽牛油食增添奶油香。熱情果冰生蠔.紅桑莓冰生蠔生蠔🦪大隻肥美，味道鮮甜，上面加左冰粒保持凍，用左熱情果冰/紅桑莓冰代替傳統嘅檸檬汁，味道酸酸甜甜，將生蠔嘅鮮味昇華。風亁火腿.馬蘇里拉.忌廉芝士脆飯煎餅將creamy既意大利飯煎至脆脆地，有焦香味，上面加左肉質柔軟 既Parma Ham同埋充滿住奶香味 既Mozzarella，非常創新嘅菜式。鮑魚蟹膏醬燉飯鮑魚彈牙爽口，仲好大隻，每一啖燉飯食到蟹膏既鮮味，加左海苔片同埋蘿蔔絲做配襯，色彩繽紛，增加食慾。海膽雪糕.清酒冰平時海膽刺身就食得多，估唔到海膽可以用黎做雪糕，雪糕既海膽味非常濃郁，質感細膩。清酒冰係口腔中慢慢溶化，舌尖慢慢滲出酒香味。