Video
Read full review
2022-08-09
2772 views
Hugo’s係儀式感滿滿嘅一間餐廳🤩餐廳位於尖沙咀凱悅酒店，喺K11隔離。我喺酒店官網預訂，網站會問係唔係第一次去，同埋係唔係去慶祝乜嘢特別節日，我撳咗係慶祝生日🎉去嘅前一日，餐廳就打電話嚟確認生日嗰位嘅名，同埋問使唔使預留Hugo’s signature嘅prime rib🥩去到餐廳，先上餐包🥐餐包有三款，當中蒜蓉包最惹味，有另一個好似酥咁嘅都唔錯，牛油味重，最長嗰個就相對硬身🥖跟住前菜餐車就嚟喇🥰 全餐三架餐車裏面前菜餐車最得意，好似摩天輪🎡咁，有好多款前菜可以選擇。侍應會好快咁介紹有啲乜，然後問你想要邊樣。我決定唔到，就問”我可唔可以乜都要啲？”😛侍應都應該見慣不怪㗎喇，話可以，不過揀前菜係一次性，邊樣要多啲少啲就話佢知。每款前菜都唔錯，當中我最鍾意牛脷👅三道菜嘅午市套餐包咗自選前菜🥗或者龍蝦湯🦞，我就揀咗前者，不過加咗HK$120要埋個龍蝦湯。如果二選一，一定係前者抵啲特別啲。龍蝦湯味道唔錯，但係未至於好好飲，基於呢個午餐好多嘢食(最後我食到連餐飲☕️都飲唔晒)，可以唔使加。主菜我哋揀咗prime rib🥩同多寶魚柳🐟Prime rib由師傅推餐車🛒喺我哋面前切。聽到我哋話想sh
去到餐廳，先上餐包🥐餐包有三款，當中蒜蓉包最惹味，有另一個好似酥咁嘅都唔錯，牛油味重，最長嗰個就相對硬身🥖
跟住前菜餐車就嚟喇🥰 全餐三架餐車裏面前菜餐車最得意，好似摩天輪🎡咁，有好多款前菜可以選擇。侍應會好快咁介紹有啲乜，然後問你想要邊樣。我決定唔到，就問”我可唔可以乜都要啲？”😛侍應都應該見慣不怪㗎喇，話可以，不過揀前菜係一次性，邊樣要多啲少啲就話佢知。
每款前菜都唔錯，當中我最鍾意牛脷👅
三道菜嘅午市套餐包咗自選前菜🥗或者龍蝦湯🦞，我就揀咗前者，不過加咗HK$120要埋個龍蝦湯。如果二選一，一定係前者抵啲特別啲。龍蝦湯味道唔錯，但係未至於好好飲，基於呢個午餐好多嘢食(最後我食到連餐飲☕️都飲唔晒)，可以唔使加。
主菜我哋揀咗prime rib🥩同多寶魚柳🐟
Prime rib由師傅推餐車🛒喺我哋面前切。聽到我哋話想share，侍應就安排師傅將一份prime rib分兩碟上🍽，Yorkshire pudding都係。
Hugo’s 嘅 prime rib外層包滿黑椒(唔係我杯茶🍵)，淋上肉汁，味道可以，但係有筋，肉質唔算好好。相對之下Lawry’s更勝一籌👍
Prime rib配上一個細薯仔🥔，可以揀淋上sour cream同葱粒煙肉粒🥓。
多寶魚柳🐟份量較細，個汁係三色椒味🫑，肉質唔算嫩滑，我覺得一般。
主菜的確比較失色。既然前菜同甜品咁多嘢食，諗返轉頭我覺得主菜叫個最平嘅意式雲吞🥟就可以喇。
食完主菜，其實已經好飽，不過都係抵擋唔住甜品餐車嘅誘惑🤪
甜品任揀兩款蛋糕🍰，兩款水果🍓蛋糕係一般酒店嘅級數，好食但係就冇乜特別。生果我揀咗芒果🥭同蜜瓜🍈，芒果超級甜，正😋
值得一讚嘅係侍應serve完每一兩枱客人之後都會refill架餐車🛒，你唔會覺得自己揀緊人哋揀完晒剩返嘅嘢。
餐廳仲另外送上一件抹茶蛋糕🧁比生日壽星，蛋糕上面寫咗生日牌同插咗蠟燭。當日見到幾枱都有侍應送上蛋糕，應該都唔少人嚟Hugo’s慶祝特別節日🎊
整體用餐體驗良好，不過上菜同提供餐牌都比較慢，個午餐我總共食咗三個鐘，仲要係我趕時間所以早走咗🏃♀️我覺得呢間餐廳適合悠悠閑閑去食飯chill下或者慶祝特別節日，如果嗰日忙就唔好去喇🕰
💰: HK$500-700 pp (Lunch)
💝: 8/10
Post
