薯仔屋 (Closed)

我地點左個二人至尊份量套餐。個餐加埋一最平只係大概200蚊，但已經包左餐包，沙律，小食，主菜2款，甜品同埋1杯特飲，食物性價比本身已經係十分高。蒜蓉包好香脆，粟米忌廉長通粉沙律好fresh，酸酸地帶起哂我既食慾。蜜汁雞翼係最好食既，雞翼燒到少少脆口，蜜汁香甜而不膩，正！肉醬千層麵好cheesy ，肉醬同麵既比例岩岩好，屬高質。醬燒豬仔全骨燒得好入味，個醬係完全溶入哂豬肉入面仲燒到超鬆軟，入口即溶。野食吸引但回憶先係無價架！呢間cafe多野玩到成間party room 咁，岩哂大人同小朋友一齊黎玩。事關呢度有我長大左之後最鍾意既電動麻雀枱漫畫同好靚既figure公仔，亦有我細個最鍾意既街機遊戲（無限credits)，充滿兒時回憶既炸彈人, kof, street fighters等等。