五斗米 (厚和街)

Open Now

Now Closed

以為閒日唔洗排隊，點知門口已經有四個人排緊隊，店舖裏面大約有四張枱，我哋等咗大約三個字，裏面嘅食客都食得好快。爭取時間，排緊隊嘅時候已經睇好餐牌，揀咗原汁牛肉麵、肉操拌麵同埋呢間鋪限定嘅玉米起司蛋餅。我好鍾意呢個牛肉麵，首先可以見到個湯底一滴油都冇，一啲都唔覺得肥膩但係又好濃郁，反而牛腩似我哋平時港式嘅牛腩麵，有啲柱侯醬嘅味道，另外要讚嘅係佢嘅刀削麵，非常有咬口。呢個肉燥拌麵就同平時食嘅有啲唔同，平時食嘅肉燥鹹香帶甜，但係呢度嘅調味酸酸地，上面有一篤蒜泥，就連隻滷水蛋都帶酸味，我麻麻哋。大力推介呢一個蛋餅，就咁睇圖片都見到佢幾咁酥脆，裏面嘅芝士半溶狀態，甜甜地嘅粟米非常好食。唯一要挑剔嘅係牛肉麵嘅份量真係好細，根本就好似平時屋企飲湯嘅飯碗，一個麵應該唔會夠飽。